धनुष आणि रश्मिका मंदान्नाच्या 'कुबेर' अपडेटने सोशल मीडियावर धमाल - Kuber update

Kuber update : धनुष आणि रश्मिका मंदान्ना यांचा बहुप्रतिक्षित चित्रपट 'कुबेर'चे निर्माते एका अपडेटसह चाहत्यांची उत्कंठा वाढवत आहेत. ज्यामुळे अनेक तर्क बांधले जात आहेत. 2 मे रोजी चित्रपटाबद्दलची लेटेस्ट अपडेट निर्माते देणारे आहेत. तो टिझर असेल की ट्रेलर याबद्दलची कमालीची उत्सुकता ताणली आहे.

मुंबई - Kuber update : धनुष आणि रश्मिका मंदन्ना यांच्या प्रमुख भूमिका असलेला दिग्दर्शक शेखर कम्मुला यांचा बहुप्रतिक्षित चित्रपट 'कुबेर' हा 2024 चा एक भव्य प्रोजेक्ट असणार आहे. चित्रपटाच्या निर्मात्यांनी अलीकडेच एक अपडेट दिल्या नंतर चाहत्यांमध्ये अनेक तर्क केले जात आहेत. परंतु , निर्मात्यांनी स्पष्ट केले की हे अपडेट म्हणजे हा टीझर नव्हता, तर येणाऱ्या उत्साहाचा इशारा होता.

मंगळवारी मायक्रोब्लॉगिंग साइट X वर निर्मात्यांनी लिहिले, "हा टीझर नाही! पण त्याच्यासाठी शिट्ट्या वाजवण्यासाठी सज्ज व्हा. शेखर कम्मुला दिग्दर्शित कुबेर." तत्पूर्वी, निर्मात्यांनी चित्रपटाचे एक नवीन पोस्टर टाकले आणि लिहिले होते की, "मोठ्या गर्जनेसाठी तयार आहोत. शेखर कम्मुलाचा 'कुबेर' 2 मे रोजी उष्णतेच्या लाटेचा उद्रेक करणार आहे."

हा चित्रपट मुंबईच्या धारावीच्या पार्श्वभूमीवर आधारित आहे. यामध्ये धनुष एका बेघर माणसाची भूमिका करत असून तो एक शक्तिशाली माफिया नेता बनतो. या चित्रपटात धनुष, रश्मिका मंदान्ना, अक्किनेनी नागार्जुन, जिम सरभ आणि दलीप ताहिल यांच्यासह एक प्रभावी कलाकार आहेत. सुनील नारंगच्या श्री वेंकटेश्वर सिनेमा LLP बॅनरखाली चित्रपटाची निर्मिती सुरू देवी श्री प्रसाद चित्रपटाचे साउंडट्रॅक तयार करत आहेत.

दरम्यान, धनुष दिग्दर्शनात पदार्पण करण्याची तयारी करत आहे. हा एक अ‍ॅक्शन-पॅक्ड थ्रिलर असेल. याशिवाय तो अरुण माथेस्वरन दिग्दर्शित आणि कोनेक्ट मीडिया, पीके प्राइम प्रॉडक्शन आणि मर्कुरी मूव्हीज निर्मित बायोपिक 'इलैयाराजा'मध्ये देखील काम करणार आहे. या चित्रपटात स्वतः दिग्गज उस्ताद इलैयाराजा याचे संगीतकार असणार आहेत.

दुसरीकडे, रश्मिका मंदान्ना, तिच्या आगामी अ‍ॅक्शन थ्रिलर 'पुष्पा: द रुल' या चित्रपटामध्ये अल्लू अर्जुन आणि फहाद फासिलसह तयार आहे. या चित्रपटात जगपती बाबू, प्रकाश राज आणि सुनील यांच्यासह अनेक स्टार-स्टडेड कलाकारांचा समावेश आहे. राहुल रवींद्रनच्या 'द गर्लफ्रेंड' या सस्पेन्स चित्रपटात धीकशिथ शेट्टीसोबत दिसण्यासाठी रश्मिका तयारी करत आहे. याव्यतिरिक्त, आगामी गौतम नायडू तिन्नानुरी दिग्दर्शित 'VD12' मध्ये विजय देवरकोंडा बरोबर ती काम करणार असल्याची चर्चा आहे.

हेही वाचा -