मुंबई - Anant Radhika Pre Wedding Bash :मुकेश अंबानी आणि नीता अंबानीचा धाकटा मुलगा अनंत अंबानीचं प्री-वेडिंग इव्हेंट खूप भव्य होतं. या कार्यक्रमामध्ये सलमान खान, शाहरुख खान, रणबीर कपूर यांसारख्या बॉलिवूड सेलिब्रिटींपासून ते एमएस धोनी, रोहित शर्मा, सचिन तेंडुलकर यांसारख्या प्रसिद्ध क्रीडा जगतातील आणि विविध क्षेत्रातील दिग्गजांनी हजेरी लावली होती. अनंत त्याची बालपणीची मैत्रीण राधिका मर्चंटबरोबर जुलै 2024 मध्ये लग्न करणार आहे. दरम्यान अंबानी कुटुंबानं गुजरातमधील जामनगरमध्ये विवाहपूर्व काही कार्यक्रम आयोजन केलं होतं.
अनंत आणि राधिकाची प्री-वेडिंग सेरेमनी :हा कार्यक्रम सोहळा 1 ते 3 मार्च दरम्यान चालला, या कार्यक्रमात स्थानिक पाहुण्यांबरोबर परदेशी पाहुणेही परफॉर्म दिला. आता या कार्यक्रमामधील काही व्हिडिओ आणि फोटो व्हायरल होत आहेत. दरम्यान या प्री-वेडिंग इव्हेंट काही अनेक मोठे स्टार गायब होते. आता आपण त्यांच्याबद्दल जाणून घेणार आहोत. बी-टाऊन पार्ट्यांमध्ये दिसणारा लोकप्रिय चित्रपट निर्माता करण जोहर या कार्यक्रमात गैरहजर होता. ग्लोबल स्टार प्रियांका चोप्रानेही अनंत-राधिकाच्या प्री-वेडिंगला हजेरी लावली नव्हती. प्रियांका-निक जोनासच्या लग्नसोहळ्यात संपूर्ण अंबानी कुटुंब उपस्थित होतं. दरम्यान हृतिक रोशन, अजय देवगण, सनी देओल, बॉबी देओल, साऊथ अभिनेत्री रश्मिका मंदान्ना, विराट कोहली, अनुष्का शर्मा, कार्तिक आर्यन आणि क्रिती सेनॉन हे कलाकार अनंत-राधिकाच्या प्री-वेडिंगमध्ये दिसले नाहीत.