मुंबई - Anant Radhika Sangeet :अभिनेत्री अनंत राधिकाचा संगीत सोहळा 5 जुलै रोजी मोठ्या थाटात पार पडला. यात सलमान खान, विकी कौशल, अनन्या पांडे, रितेश जेनेलिया, पूजा हेगडे, सिद्धार्थ कियारा यांसारखे अनेक स्टार्स सहभागी झाले होते. आता अलीकडेच एक व्हिडिओ समोर आला आहे. यामध्ये नीता अंबानी राधिका मर्चंट आणि ईशा अंबानी, श्लोका अंबानी यांच्याबरोबर सुंदर डान्स सादर करत आहेत. या तिघींनी सिद्धार्थ मल्होत्रा आणि परिणीती चोप्राच्या 'ड्रामा क्वीन' या गाण्यावर शानदार डान्स परफॉर्मन्स दिला. या कार्यक्रमाचे खास आकर्षण म्हणजे जस्टिन बीबरचा परफॉर्मन्स होता. या संगीत सोहळ्यात त्यानं 'बेबी', 'नेव्हर लेट यू गो,' 'लव्ह युवरसेल्फ', 'पीचेस', 'बॉयफ्रेंड', 'सॉरी' आणि 'व्हेअर आर यू नाऊ' अशी ही गाणी गायली.
अनंत आणि राधिकाचा संगीत सोहळा :मुंबईतील नीता मुकेश अंबानी कल्चरल सेंटरमध्ये त्याच्या परफॉर्मन्सनंतर लगेचच जस्टिन बीबरचे सोशल मीडियावर अनेक फोटो आणि व्हिडिओ सोशल मीडियावर व्हायरल झाले होते. जस्टिननं त्याच्या अधिकृत इंस्टाग्रामवर अनंत आणि राधिकाबरोबर न पाहिलेली फोटो आणि व्हिडिओ शेअर केले आहेत. पहिल्या फोटोत जस्टिन या जोडप्याबरोबर पोझ देताना दिसत आहे. यानंतर पुढील फोटोमध्ये, तो श्लोका मेहता अंबानी, दिया मेहता, आकाश अंबानी, ईशा अंबानी आणि तिचे पती आनंद पिरामलबरोबर बॅकस्टेजवर दिसत आहे. याशिवाय त्यानं परफॉर्मन्सची रिहर्सल करताना आणि स्टेजवर साऊंडचेक करत असल्याची क्लिपही शेअर केल्या आहेत. दरम्यान याशिवाय जावेद जाफरीची मुलगी अलविया जाफरीनं देखील स्टेजवरून जाऊन जस्टिन बीबरला मिठी मारली. यानंतर तीदेखील चर्चेत आली आहे.