ഇടുക്കി:ഏലപ്പട്ടയ ഭൂമി മറ്റാവശ്യങ്ങള്‍ക്ക് ഉപയോഗിക്കുന്നുണ്ടോ എന്ന് കണ്ടെത്താൻ ഉത്തരവിട്ട് ഹൈക്കോടതി. ഏലം കൃഷിക്ക് മാത്രമായി അനുവദിച്ച ഭൂമിയിലെ കെട്ടിടങ്ങള്‍, ടൂറിസം ആവശ്യങ്ങള്‍ക്കായി ഉപയോഗിച്ചാല്‍ നടപടി വേണമെന്നും ഉത്തരവിട്ടു. മകയിരം പ്ലാന്‍റേഷനുമായി ബന്ധപ്പെട്ട വിവാദ എൻഒസി വിഷയം പരിഗണിക്കവെയാണ് ഹൈക്കോടതിയുടെ ഉത്തരവ്.
ഏലപ്പട്ടയഭൂമിയായ മകയിരം പ്ലാന്‍റേഷനില്‍ റിസോർട്ട് പ്രവർത്തിക്കുന്നുവെന്ന് ഹൈക്കോടതി കണ്ടെത്തുകയും അത് അടച്ചുപൂട്ടാൻ ഉത്തരവിടുകയും ചെയ്‌തിരുന്നു. ഇതിന്‍റെ ഭാഗമായി സ്‌റ്റോപ്പ് മെമോയും നല്‍കി. ഇതിന്‍റെ തുടർച്ചയായാണ് പുതിയ ഉത്തരവ്.