'രാഷ്‌ട്രീയ തന്ത്രങ്ങള്‍ പരാജയപ്പെട്ട ഇടതുപക്ഷം സമുദായം പറഞ്ഞ് വോട്ട് തേടുന്നു': ഷിബു ബേബിജോണ്‍ - SHIBU BABY JOHN AGAINST LDF

തങ്ങള്‍ മുന്നോട്ട് വച്ച രാഷ്‌ട്രീയം ജനങ്ങള്‍ തിരിച്ചറിയുമെന്ന ആത്മവിശ്വാസവുമായി ഷിബു ബേബി ജോണ്‍. യഥാര്‍ത്ഥ ഇടതുപക്ഷത്തെ തെരഞ്ഞെടുപ്പിന് ശേഷം തിരിച്ചറിയാമെന്നും ഷിബു.

കൊല്ലം: രാഷ്‌ട്രീയ തന്ത്രങ്ങൾ പരാജയപെട്ടതോടെയാണ് സമുദായം പറഞ്ഞു വോട്ട് നേടാൻ ഇടതു സ്ഥാനാർഥിയും സിപിഎമ്മും ഇറങ്ങിത്തിരിച്ചതെന്ന് ആർഎസ്‌പി സംസ്ഥാന സെക്രട്ടറി ഷിബു ബേബി ജോൺ. യഥാർത്ഥ ഇടത് പക്ഷം ആർഎസ്‌പിയോ സിപിഎമ്മോ എന്ന് ഈ തെരഞ്ഞെടുപ്പ് കഴിയുമ്പോൾ അറിയാം.

തങ്ങൾ മുന്നോട്ട് വെച്ച രാഷ്‌ട്രീയം ജനങ്ങൾ തെരഞ്ഞെടുപ്പിൽ അംഗീകരിക്കുമെന്നും ഷിബു ബേബി ജോൺ പറഞ്ഞു. കൊല്ലം നീണ്ടകര സെന്‍റ് സെബാസ്‌റ്റ്യൻസ് എൽപി സ്‌കൂളിലെ 126-ാം നമ്പർ ബൂത്തിൽ വോട്ട് രേഖപ്പെടുത്തിയ ശേഷം പ്രതികരിക്കുകയായിരുന്നു അദ്ദേഹം.