മോഷണത്തിന്‍റെ ദൃശ്യം (ETV Bharat)
കാസർകോട്: ചന്തേര ചെമ്പകത്തറ മുത്തപ്പന്‍ ക്ഷേത്രത്തിൽ കവര്‍ച്ച. ശ്രീകോവില്‍ തകര്‍ത്ത മോഷ്‌ടാവ് ഭണ്ഡാരങ്ങളിലെ പണം കവർന്നു. ക്ഷേത്ര കമ്മിറ്റി ഓഫിസിലെ കൗണ്ടറും തകര്‍ത്ത നിലയിലാണ്. ഇന്ന് (ജൂണ്‍ 3) പുലര്‍ച്ചെ ഒന്നരയോടെയാണ് സംഭവം.
രാവിലെ ക്ഷേത്രത്തിലെ ശുചീകരണ തൊഴിലാളി എത്തിയപ്പോഴാണ് കവര്‍ച്ച നടന്നതായി കണ്ടത്. തുടർന്ന് ക്ഷേത്ര ഭാരവാഹികളെ അറിയിക്കുകയായിരുന്നു. വിവരം അറിഞ്ഞ് ചന്തേര പൊലീസ് സ്ഥലത്തെത്തി പരിശോധന നടത്തി. കവർച്ചയുടെ സിസിടിവി ദൃശ്യങ്ങൾ പൊലീസ് ശേഖരിച്ചിട്ടുണ്ട്.