ശക്തൻ തമ്പുരാന്‍റെ പ്രതിമ കെഎസ്ആർടിസിയുടെ ചെലവിൽ പുനസ്ഥാപിക്കും; ഗതാഗത മന്ത്രി ഉറപ്പ് നല്‍കിയതായി കെ രാജൻ - KSRTC to restore Sakthan Thampuran statue

ഏറ്റവും കുറഞ്ഞ സമയത്തിനുളളിൽ തന്നെ ശക്തൻ തമ്പുരാൻ്റെ പ്രതിമ പുനസ്ഥാപിക്കുമെന്ന് മന്ത്രി കെ രാജൻ മാധ്യമങ്ങളോട് പറഞ്ഞു.

തൃശൂർ:കെഎസ്ആർടിസി ബസ് ഇടിച്ച് തകർന്ന ശക്തൻ തമ്പുരാൻ്റെ പ്രതിമ കെഎസ്ആർടിസിയുടെ ചെലവിൽ പുനഃസ്ഥാപിക്കും. ശക്തൻ തമ്പുരാന്‍റെ പ്രതിമ കെഎസ്ആർടിസിയുടെ ചെലവിൽ പുനസ്ഥാപിക്കുമെന്ന് ഗതാഗത മന്ത്രി ഗണേഷ് കുമാർ ഉറപ്പു നൽകിയതായി റവന്യൂ മന്ത്രി കെ രാജൻ അറിയിച്ചു

പ്രതിമയുടെ ശില്‌പികളുമായി കൂടിയാലോചിച്ച് എത്രയും വേഗത്തിൽ പ്രതിമ പുനസ്ഥാപിക്കാനുള്ള നടപടികൾ ആരംഭിച്ചതായും സ്ഥലം സന്ദർശിച്ചശേഷം മന്ത്രി വ്യക്തമാക്കി. തൃശൂർ എംഎൽഎ പി ബാലചന്ദ്രനും മന്ത്രിക്കൊപ്പം ഉണ്ടായിരുന്നു.

ഇന്ന് പുലർച്ചെയാണ് നിയന്ത്രണംവിട്ട കെഎസ്ആർടിസി ലോഫ്ലോർ ബസ് തൃശൂർ ശക്തൻ നഗറിലുള്ള ശക്തൻ തമ്പുരാൻ്റെ പ്രതിമയിലേക്ക് ഇടിച്ചു കയറിയത്.