ചെന്നൈ: അൾട്ടിമേറ്റ് ടേബിൾ ടെന്നീസ് പരമ്പരയുടെ അഞ്ചാം സീസൺ ഓഗസ്റ്റ് 22ന് ചെന്നൈ നെഹ്‌റു ഇൻഡോർ സ്റ്റേഡിയത്തിൽ ആരംഭിച്ചു. സെപ്തംബർ ഏഴ് വരെ നടക്കുന്ന ടൂർണമെന്‍റ് തമിഴ്‌നാട് കായിക യുവജനക്ഷേമ വകുപ്പ് മന്ത്രി ഉദയനിധി സ്റ്റാലിൻ ഉദ്ഘാടനം ചെയ്‌തു. ചെന്നൈ ലയൺസും ബെംഗളൂരു സ്‌മാഷേഴ്‌സും തമ്മിലുള്ള ലീഗ് മത്സരത്തിൽ ചെന്നൈ ടീം 11-4ന് തോറ്റു. നേരത്തെ നടന്ന മറ്റൊരു ലീഗ് മത്സരത്തിൽ പുനേരി പൾട്ടൻസ് 10-5ന് അഹമ്മദാബാദ് എസ്ജി പൈപ്പേഴ്‌സിനെ തോൽപിച്ചിരുന്നു.
പുതിയ രണ്ട് ടീമുകളായ അഹമ്മദാബാദ് എസ്ജി പൈപ്പേഴ്‌സ്, ജയ്‌പൂര്‍ പാട്രിയറ്റ്‌സ് അടക്കം ഗോവ ചലഞ്ചേഴ്‌സ്, ചെന്നൈ ലയൺസ്, ദബാംഗ് ഡൽഹി ടിഡിസി, യു മുംബ ഡിഡി, പുനേരി പൾട്ടൻ, പിപിജി ബാംഗ്ലൂർ സ്‌മാഷേഴ്‌സ് ഉള്‍പ്പെടെ മൊത്തം 8 ടീമുകളാണ് പരമ്പരയിൽ മത്സരിക്കുന്നത്.