പ്രേമലു എന്ന ബ്ലോക്ക്ബ്ലസ്‌റ്റര്‍ ചിത്രത്തിന് ശേഷം ഗിരീഷ് എഡിയും നസ്‌ലിനും വീണ്ടും ഒന്നിക്കുന്ന 'ഐ ആം കാതലൻ' റിലീസ് നവംബർ 7 ന്. ഗിരീഷ് എഡിയുടെ സംവിധാനത്തില്‍ പിറന്ന തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ ചിത്രങ്ങളും സൂപ്പർ ഹിറ്റുകളായിരുന്നു. അനിഷ്‌മയാണ് ചിത്രത്തില്‍ നായികയായി എത്തുന്നത്.
ഈ വർഷം ഫെബ്രുവരിയിൽ റിലീസ് ചെയ്‌ത ഇവരുടെ 'പ്രേമലു' മലയാളത്തിലെ നൂറ് കോടി ക്ലബിൽ ഇടം പിടിച്ച ചിത്രങ്ങളിലൊന്നായി മാറിയിരുന്നു. ശ്രീ ഗോകുലം മൂവീസിന്‍റെ ബാനറിൽ ഗോകുലം ഗോപാലനും, പൂമരം, എല്ലാം ശരിയാകും, ഓ മേരി ലൈല എന്നീ ചിത്രങ്ങൾക്ക് ശേഷം ഡോ. പോൾസ് എന്‍റര്‍ടൈന്‍മെന്‍റസിന്‍റെ ബാനറിൽ ഡോ. പോൾ വർഗീസ്, കൃഷ്‌ണ മൂർത്തി എന്നിവരുമാണ് ചിത്രം നിർമ്മിച്ചിരിക്കുന്നത്. സഹനിർമ്മാണം ടിനു തോമസ്. ഡ്രീം ബിഗ് ഫിലിംസ് ആണ് ചിത്രം കേരളത്തിലെ തിയേറ്ററുകളിൽ വിതരണം ചെയ്യുന്നത്.
ദിലീഷ് പോത്തൻ, ലിജോമോൾ, ടി ജി രവി, സജിൻ, വിനീത് വാസുദേവൻ, വിനീത് വിശ്വം, എന്നിവരാണ് മറ്റ് പ്രധാന താരങ്ങൾ. ചിത്രത്തിന്‍റെ ഫസ്‌റ്റ് ലുക്ക്, സെക്കന്‍റ് ലുക്ക് പോസ്‌റ്ററുകൾ ശ്രദ്ധ നേടിയിരുന്നു. പ്രശസ്‌ത നടനായ സജിൻ ചെറുകയിൽ തിരക്കഥ രചിച്ച ഈ ചിത്രത്തിന് കാമറ ചലിപ്പിച്ചത് ശരൺ വേലായുധൻ, എഡിറ്റിംഗ് നിർവഹിച്ചത് ആകാശ് ജോസഫ് വർഗീസ്, സംഗീതമൊരുക്കിയത് സിദ്ധാർത്ഥ പ്രദീപ് എന്നിവരാണ്.
കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
കലാസംവിധാനം - വിവേക് കളത്തിൽ, വസ്ത്രാലങ്കാരം - ധന്യ ബാലകൃഷ്‌ണന്‍ , മേക്കപ്പ് - സിനൂപ് രാജ്, വരികൾ- സുഹൈൽ കോയ, പ്രൊഡക്ഷൻ കൺട്രോളർ - മനോജ് പൂങ്കുന്നം, ഫിനാൻസ് കൺട്രോളർ - അനിൽ ആമ്പല്ലൂർ, മാർക്കറ്റിങ്ങ് & ഡിസ്ട്രിബ്യുഷൻ ഡ്രീം ബിഗ് ഫിലിംസ്, ഡിജിറ്റൽ പ്രൊമോഷൻ- ഒബ്സ്ക്യൂറ, പിആർ ഒ - ശബരി.
Also Read:എല്ലാ അമ്മമാരും ആനിയെ പോലെയാണോ? 'രാജീവ് മേനോനും മാഗിയും പിന്നെ ഞാനും,വേദനിപ്പിച്ച വേർപാടുകളുടെ ഓർമ്മകൾ മാത്രം ബാക്കി'
