തെലുഗു സൂപ്പർതാരം നാഗാർജുനയുടെയും അമല അക്കിനേനിയുടെയും മകനും നടനുമായ അഖിൽ അക്കിനേനി വിവാഹിതനാവുന്നു. മുപ്പതുകാരനായ അഖിൽ അക്കിനേനി സഹനടിയുമായി പ്രണയത്തിലാണെന്നും വിവാഹ ജീവിതത്തിലേക്ക് കടക്കാനൊരുങ്ങുകയാണ്. അഖിലിന്റെ കാമുകിയെ തങ്ങളുടെ കുടുംബത്തിലേക്ക് സ്വാഗതം ചെയ്‌തുകൊണ്ട് നാഗാര്‍ജുന തന്നെയാണ് വിവാഹ കാര്യം ആരാധകരെ അറിയിച്ചത്.
ഞങ്ങളുടെ മകന്‍ അഖിന്‍ അക്കിനേനിയും മരുമകള്‍ സൈനബ റാവ്ദ്‌ജീയുമാണ്. അവളെ ഞങ്ങളുടെ കുടുംബത്തിലേക്ക് സ്വാഗതം ചെയ്യാതെ സന്തോഷിക്കാനാവില്ല. അവരെ അഭിനന്ദിക്കുന്നു. സ്നേഹവും സന്തോഷവും അനുഗ്രഹവും ജീവിതകാലം മുഴുവന്‍ ഉണ്ടാകട്ടെയെന്ന് ആശംസിക്കുന്നു. ചിത്രങ്ങള്‍ പങ്കുവച്ചുകൊണ്ട് നാഗാര്‍ജുന കുറിച്ചു.
ചിത്രങ്ങള്‍ സമൂഹമാധ്യമങ്ങളിലൂടെ പങ്കുവച്ചതോടെ നിരവധി ആരാധകരും സിനിമാ താരങ്ങളും ആശംസയുമായി എത്തിയിരിക്കുകയാണ്.
അഖില്‍ അക്കിനേനിയും പ്രണയിനിക്കൊപ്പമുള്ള ചിത്രങ്ങള്‍ സമൂഹമാധ്യമങ്ങളിലൂടെ പങ്കുവച്ചിട്ടുണ്ട്. സൈനബുമായി താൻ പ്രണയത്തിലാണെന്നും വിവാഹനിശ്ചയം കഴിഞ്ഞുവെന്നുമാണ് ഇൻസ്റ്റഗ്രാം പോസ്റ്റിൽ അഖിൽ വ്യക്തമാക്കുന്നത്.