"അച്ഛാ, ഞങ്ങള്‍ വീണ്ടും കണ്ടുമുട്ടും", സാമന്തയുടെ പിതാവ് അന്തരിച്ചു; വികാരനിര്‍ഭര കുറിപ്പുമായി താരം

സാമന്തയുടെ പിതാവ് ജോസഫ് പ്രഭു അന്തരിച്ചു. ഹൃദയഭേകമായൊരു കുറിപ്പിനൊപ്പം സാമന്ത ഇക്കാര്യം സോഷ്യല്‍ മീഡിയയിലൂടെ അറിയിക്കുകയായിരുന്നു. ഇന്‍സ്‌റ്റഗ്രാം സ്‌റ്റോറിയിലൂടെയായിരുന്നു താരം പോസ്‌റ്റ് പങ്കുവച്ചത്.

തെന്നിന്ത്യന്‍ താരം സാമന്ത റൂത്ത് പ്രഭുവിന്‍റെ പിതാവ് ജോസഫ് പ്രഭു അന്തരിച്ചു. പിതാവിന്‍റെ വിയോഗം സോഷ്യല്‍ മീഡിയയില്‍ പങ്കുവച്ചിരിക്കുകയാണ് താരം. ഹൃദയഭേകമായൊരു കുറിപ്പിനൊപ്പമാണ് താരം ഇക്കാര്യം ആരാധകരെ അറിയിച്ചിരിക്കുന്നത്.

"അച്ഛാ, ഞങ്ങള്‍ വീണ്ടും കണ്ടുമുട്ടും" -എന്ന വികാരനിര്‍ഭരമായ കുറിപ്പാണ് സാമന്ത തന്‍റെ ഇന്‍സ്‌റ്റഗ്രാം സ്‌റ്റോറിയില്‍ പങ്കുവച്ചിരിക്കുന്നത്. ഒപ്പം ഒരു തകര്‍ന്ന ഹാര്‍ട്ട് ഇമോജിയും താരം പങ്കുവച്ചിട്ടുണ്ട്.