മംഗളൂരു :ദക്ഷിണ കന്നഡ ജില്ലയിലെ ഉള്ളാള് പൊലീസ് സ്റ്റേഷൻ പരിധിയിൽ വരുന്ന മുന്നൂരില് വീട് തകർന്ന് ഒരു കുടുംബത്തിലെ നാലുപേർ മരിച്ചു. കുത്തരു മദനി നഗറിലായിരുന്നു അപകടം. വീടിന് മുകളിലേക്ക് മതിലിടിഞ്ഞ് വീഴുകയായിരുന്നു. ഇന്ന് പുലർച്ചെയായിരുന്നു അപകടം.
യാസിർ (45), ഭാര്യ മറിയാമ്മ (40), മക്കളായ റിയാൻ, റിഫാൻ എന്നിവരാണ് മരിച്ചത്. അപകടം നടക്കുമ്പോള് ഇവര് വീടിനുള്ളില് ഉറങ്ങുകയായിരുന്നു. പുലർച്ചെയുണ്ടായ ശക്തമായ മഴയിലാണ് വലിയ ശബ്ദത്തോടെ മതിൽ ഇടിഞ്ഞുവീണത്.