ബെംഗളൂരു: പൂജ, ദീപാവലി അവധികൾ കണക്കിലെടുത്ത് പ്രത്യേക ട്രെയിൻ സർവീസുകള്‍ ഉണ്ടാകുമെന്ന് ദക്ഷിണ റെയിവേ. പ്രതിവാര സ്‌പെഷ്യൽ ട്രെയിനായ കൊച്ചുവേളി - എസ്എംവിടി ബെംഗളൂരു (ട്രെയിൻ നമ്പർ 06083) ചൊവ്വാഴ്‌ചകളിൽ വൈകിട്ട് 6.05ന് കൊച്ചുവേളിയിൽ നിന്ന് പുറപ്പെട്ട് ബുധനാഴ്‌ച രാവിലെ 10.55ന് എസ്എംവിടി ബെംഗളൂരുവിലെത്തും. കൊച്ചുവേളിക്ക് ഒക്‌ടോബർ 1, 8, 15, 22, 29, നവംബർ 5 എന്നിങ്ങനെ ആറ് സർവീസുകൾ ഉണ്ടാകും.
അതേസമയം എസ്എംവിടി ബംഗളൂരു-കൊച്ചുവേളി (ട്രെയിൻ നമ്പർ 06084) പ്രതിവാര സ്‌പെഷ്യൽ ട്രെയിൻ എസ്എംവിടിയിൽ നിന്ന് ബുധനാഴ്‌ചകളിൽ ഉച്ചയ്‌ക്ക് 12.45ന് പുറപ്പെട്ട് അടുത്ത ദിവസം രാവിലെ 6.45ന് കൊച്ചുവേളിയിൽ എത്തും. ഒക്‌ടോബർ 2, 9, 16, 23, 30, നവംബർ 6 എന്നിങ്ങിനെ ആറ് സർവീസുകൾ ഉണ്ടാകും.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ട്രെയിനിന്‍റെ സമയം, ബോഗികളുടെ എണ്ണം, സ്‌റ്റോപ്പുകൾ എന്നിവയിൽ മാറ്റമുണ്ടാകില്ല. പ്രതിവാര സ്‌പെഷ്യലുകൾക്കുള്ള മുൻകൂർ റിസർവേഷൻ ഉടൻ ആരംഭിക്കുമെന്ന് റെയിൽവേ പ്രസ്‌താവനയിലൂടെ അറിയിച്ചു.
