ജെഎന്‍യു വിസിയെ മാറ്റണമെന്നാവശ്യപ്പെട്ട് അധ്യാപക സംഘടന
ജനുവരി അഞ്ചിന് നടന്ന അക്രമ സംഭവങ്ങളില്‍ വിശദീകരണം നല്‍കികൊണ്ട്‌ അധ്യാപക സംഘടന മാനവവിഭവശേഷി മന്ത്രാലയത്തിന് റിപ്പോര്‍ട്ട് സമര്‍പ്പിച്ചു
ജെഎന്‍യു വിസി മമിദല ജഗ്‌ദീഷ്‌ കുമാറിനെ മാറ്റണമെന്നാവശ്യപ്പെട്ട് ജെഎന്‍യു അധ്യാപക സംഘടന
ന്യൂഡല്‍ഹി : ജെഎന്‍യു വിസി മമിദല ജഗ്‌ദീഷ്‌ കുമാറിനെ മാറ്റണമെന്നാവശ്യപ്പെട്ട് ജെഎന്‍യു അധ്യാപക സംഘടന. ജനുവരി അഞ്ചിന് നടന്ന അക്രമ സംഭവങ്ങളില്‍ വിശദീകരണം നല്‍കികൊണ്ട്‌ അധ്യാപക സംഘടന മാനവവിഭവശേഷി മന്ത്രാലയത്തിന് റിപ്പോര്‍ട്ട് സമര്‍പ്പിച്ചു. വിസി അധികാരദുര്‍വിനിയോഗം ചെയ്‌തു എന്നതാണ് റിപ്പോര്‍ട്ടിലെ പ്രധാന ആരോപണം. ജനുവരി അഞ്ചിന് നടന്ന അക്രമ സംഭവങ്ങൾ അധ്യാപകരെയും അവരുടെ കുടുംബങ്ങളെയും ലക്ഷ്യം വെച്ചുകൊണ്ടുള്ള നീക്കമായിരുന്നുവെന്നും റിപ്പോര്‍ട്ടില്‍ പരാമര്‍ശിച്ചു. മമിദല ജഗ്‌ദീഷ്‌ ഇനിയും വിസിയായി തുടര്‍ന്നാല്‍ ഇതിലും മോശമായ അക്രമ സംഭവങ്ങൾ തുടരുമെന്നും ആരോപിച്ചു. കൂടാതെ അദ്ദേഹത്തിന്‍റെ ഭരണത്തിനു കീഴില്‍ പ്രവര്‍ത്തിക്കാന്‍ സാധിക്കില്ലെന്നും റിപ്പോര്‍ട്ടില്‍ അധ്യാപക സംഘടന വ്യക്തമാക്കി.