ಅಹಮದಾಬಾದ್ : ಸನ್‌ರೈಸರ್ಸ್ ಹೈದರಾಬಾದ್ ನೀಡಿದ 163 ರನ್ಗಳ ಸುಲಭ ಗುರಿ ಬೆನ್ನಟ್ಟಿದ ಗುಜರಾತ್ ಟೈಟನ್ಸ್ ತಂಡವು 5 ಎಸೆತಗಳು ಬಾಕಿ ಇರುವಾಗಲೇ 7 ವಿಕೆಟ್ಗಳಿಂದ ಗೆದ್ದು ಬೀಗಿದೆ. ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಗುಜರಾತ್ ಬ್ಯಾಟರ್ಗಳು ತಂಡಕ್ಕೆ ಜಯ ತಂದು ಕೊಡುವಲ್ಲಿ ಯಶಸ್ವಿಯಾದರು.
ಸಾಯಿ ಸುದರ್ಶನ್ ತಾಳ್ಮೆಯ ಆಟ ಹಾಗೂ ಡೇವಿಡ್ ಮಿಲ್ಲರ್ ಅವರ ಆಕ್ರಮಣಕಾರಿ ಬ್ಯಾಟಿಂಗ್ನಿಂದ ಹೈದರಾಬಾದ್ ಸೋಲು ಅನುಭವಿಸಿತು. ಹೈದರಾಬಾದ್ ಪರ ಶಹಬಾಜ್ ಅಹ್ಮದ್ ನಾಯಕ ಪ್ಯಾಟ್ ಕಮಿನ್ಸ್ ಮತ್ತು ಮಯಾಂಕ್ ಮಾರ್ಕಾಂಡೆ ಒಂದು ವಿಕೆಟ್ ಪಡೆದು ತೃಪ್ತಿಪಟ್ಟರು. ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಸನ್‌ರೈಸರ್ಸ್ ಹೈದರಾಬಾದ್ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 162 ರನ್ ಬಾರಿಸಿತ್ತು.
ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಗುಜರಾತ್ ಮೊದಲ ವಿಕೆಟ್ಗೆ 36 ರನ್ಗಳ ಜೊತೆಯಾಟ ಕಂಡಿತ್ತು. ವೃದ್ಧಿಮಾನ್ ಸಹಾ 23 ರನ್ಗಳಿಸಿ ಔಟ್ ಆದರು. ನಾಯಕ ಶುಭಮನ್ ಗಿಲ್ ಕೂಡ 36 ರನ್ ಗಳಿಸಿ ವಿಕೆಟ್ ಕಳೆದುಕೊಂಡರು. ಈ ಹಂತದಲ್ಲಿ ಸಾಯಿ ಸುದರ್ಶನ್ ಹಾಗೂ ಡೇವಿಡ್ ಮಿಲ್ಲರ್ ಜೊತೆಯಾಟ ಗುಜರಾತ್ ತಂಡದ ಎರಡನೇ ಗೆಲುವಿಗೆ ಶ್ರಮಿಸಿತು.
ಒಂದೆಡೆ ಯುವ ಆಟಗಾರ ಸಾಯಿ ಸುದರ್ಶನ್ ಸ್ವಲ್ಪ ತಾಳ್ಮೆ ನಿಂದ ಬ್ಯಾಟ್ ಬೀಸಿ ರನ್ ಕಲೆ ಹಾಕಿದರು. ಇನ್ನೊಂದೆಡೆ ಅನುಭವಿ ಆಟಗಾರ ಡೇವಿಡ್ ಮಿಲ್ಲರ್ ತಮ್ಮ ಹೊಡಿ ಬಡಿ ಆಟವನ್ನು ಮುಂದುವರೆಸಿದರು. 64 ರನ್ಗಳ ಜೊತೆಯಾಟದ ಮೂಲಕ ಗುಜರಾತ್ ಗೆಲುವನ್ನು ಈ ಜೋಡಿ ನಿಶ್ಚಯವಾಗಿಸಿತು. ಒಂದು ಸಿಕ್ಸರ್, ನಾಲ್ಕು ಬೌಂಡರಿ ಮೂಲಕ 36 ಎಸೆತಗಳಲ್ಲಿ 45 ಹೊಡೆದು ಸಾಯಿ ಸುದರ್ಶನ್ ವಿಕೆಟ್ ಕಳೆದುಕೊಂಡರು. 27 ಎಸೆತಗಳಲ್ಲಿ 2 ಆರ್ಕಷಕ ಸಿಕ್ಸರ್ ಮತ್ತು 4 ಬೌಂಡರಿಗಳೊಂದಿಗೆ ಡೆವೀಡ್ ಮಿಲ್ಲರ್ 44 ಬಾರಿಸಿ, ಆಲ್ ರೌಂಡರ್ ವಿಜಯ ಶಂಕರ್ (14) ಅವರೊಂದಿಗೆ ಪಂದ್ಯ ಗೆಲ್ಲಿಸಿ ಅಜೇಯರಾಗಿ ಉಳಿದರು.
ತಂಡಗಳು: ಗುಜರಾತ್ ಟೈಟಾನ್ಸ್ :ವೃದ್ಧಿಮಾನ್ ಸಹಾ(ವಿ.ಕೀ), ಶುಭಮನ್ ಗಿಲ್(ನಾಯಕ), ಅಜ್ಮತ್ಉಲ್ಲಾ ಒಮರ್ಜಾಯ್, ಡೇವಿಡ್ ಮಿಲ್ಲರ್, ವಿಜಯ್ ಶಂಕರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಉಮೇಶ್ ಯಾದವ್, ನೂರ್ ಅಹ್ಮದ್, ಮೋಹಿತ್ ಶರ್ಮಾ, ದರ್ಶನ್ ನಲ್ಕಂಡೆ
ಸನ್‌ರೈಸರ್ಸ್ ಹೈದರಾಬಾದ್ :ಮಯಾಂಕ್ ಅಗರ್ವಾಲ್, ಟ್ರಾವಿಸ್ ಹೆಡ್, ಅಭಿಷೇಕ್ ಶರ್ಮಾ, ಐಡೆನ್ ಮರ್ಕ್ರಾಮ್, ಹೆನ್ರಿಚ್ ಕ್ಲಾಸೆನ್(ವಿ.ಕೀ.), ಅಬ್ದುಲ್ ಸಮದ್, ಶಹಬಾಜ್ ಅಹ್ಮದ್, ಪ್ಯಾಟ್ ಕಮಿನ್ಸ್(ನಾಯಕ), ಭುವನೇಶ್ವರ್ ಕುಮಾರ್, ಮಯಾಂಕ್ ಮಾರ್ಕಾಂಡೆ, ಜಯದೇವ್ ಉನದ್ಕತ್
ಇದನ್ನೂ ಓದಿ :ಐಪಿಎಲ್ 2024: ಮೋಹಿತ್ ಶರ್ಮಾ ಅದ್ಭುತ ಸ್ಪೆಲ್; ಗುಜರಾತ್ ಬೌಲಿಂಗ್ ಎದುರು ಪತರುಗುಟ್ಟಿದ ಹೈದರಾಬಾದ್ ಬ್ಯಾಟರ್ಸ್ - IPL 2024
