ಕಾಲ್ಕೆರೆದು ಜಗಳ ಮಾಡಿಕೊಂಡ ಕೊನ್​ಸ್ಟಾಸ್​​, ಸಿಟ್ಟಿನಲ್ಲಿ ವಿಕೆಟ್​ ಉರುಳಿಸಿದ ಬುಮ್ರಾ​​: ವಿಡಿಯೋ ವೈರಲ್!

ಸಿಡ್ನಿ ಮೈದಾನದಲ್ಲಿ ನಡೆಯುತ್ತಿರುವ 5ನೇ ಟೆಸ್ಟ್​ ಪಂದ್ಯದಲ್ಲಿ ಆಸೀಸ್​ ಯುವ ಬ್ಯಾಟರ್​ ಸ್ಯಾಮ್​ ಕಾನ್​ಸ್ಟಾಸ್​ ಬುಮ್ರಾರನ್ನು ಕೆಣಕಿದ್ದಾರೆ.

Jasprit Bumrah Viral Video: ಬಾರ್ಡರ್​ ಗವಾಸ್ಕರ್​ ಟ್ರೋಫಿ ಭಾಗವಾಗಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಸಿಡ್ನಿ ಮೈದಾನದಲ್ಲಿ ಐದನೇ ಮತ್ತು ಅಂತಿಮ ಟೆಸ್ಟ್​ ಪಂದ್ಯ ನಡೆಯುತ್ತಿದೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್​​ ಮಾಡಿರುವ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 185 ರನ್​ಗಳಿ ಸರ್ವಪತನ ಕಂಡಿದೆ. ವಿಕೆಟ್​ ಕೀಪರ್​ ರಿಷಭ್​ ಪಂತ್ (40) ಅತೀ ಹೆಚ್ಚು ರನ್​ ಗಳಿಸಿದ ಬ್ಯಾಟರ್​ ಎನಿಸಿಕೊಂಡಿದ್ದಾರೆ. ಉಳಿದಂತೆ ಯಾವೊಬ್ಬ ಬ್ಯಾಟರ್​ 30ರ ಗಡಿ ತಲುಪಲು ಸಾಧ್ಯವಾಗಲಿಲ್ಲ. ಇದಕ್ಕುತ್ತರವಾಗಿ ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​ನಲ್ಲಿ 9 ರನ್​ಗೆ ಒಂದು ವಿಕೆಟ್​ ಕಳೆದುಕೊಂಡಿದೆ. ಇದರೊಂದಿಗೆ ಮೊದಲ ದಿನದಾಟವೂ ಮುಕ್ತಾಯಗೊಂಡಿದೆ.

ಏತನ್ಮಧ್ಯೆ ಪಂದ್ಯದ ನಡುವೆ ಆಸ್ಟ್ರೇಲಿಯಾದ ಯುವ ಆರಂಭಿಕ ಬ್ಯಾಟರ್​ ಸ್ಯಾಮ್​ ಕಾನ್​ಸ್ಟಾಸ್ ಬುಮ್ರಾರನ್ನು ಕೆಣಕಿದ್ದಾರೆ. ಮೂರನೇ ಓವರ್​ನಲ್ಲಿ ಬುಮ್ರಾ ಬೌಲಿಂಗ್​ ಮಾಡುತ್ತಿದ್ದ ವೇಳೆ ಸ್ಟ್ರೈಕ್​ನಲ್ಲಿದ್ದ ಉಸ್ಮಾನ್​ ಖವಾಜಾ ಪದೇ ಪದೆ ಬುಮ್ರಾ ಬೌಲಿಂಗ್​ ತಡೆದಿದ್ದಾರೆ. ಇದರಿಂದ ಕೋಪಗೊಂಡ ಬುಮ್ರಾ ಸಮಯ ವ್ಯರ್ಥ ಮಾಡದಂತೆ ಬ್ಯಾಟಿಂಗ್​ ಮಾಡು ಎಂದು ಹೇಳಿದ್ದಾರೆ.

ಈ ವೇಳೆ ಮಧ್ಯ ಪ್ರವೇಶಿಸಿದ ಯುವ ಬ್ಯಾಟರ್​ ಕಾನ್​ಸ್ಟಾಸ್​ ಬುಮ್ರಾ ಬಳಿ ತೆರಳ ಸ್ಲೆಡ್ಜಿಂಗ್​ ಮಾಡಿದ್ದಾರೆ. ಇದರಿಂದ ಕೋಪಗೊಂಡ ಬುಮ್ರಾ ಆತನ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಇದೇ ಸಿಟ್ಟಿನಲ್ಲಿ ಬೌಲಿಂಗ್​ ಮಾಡಿ ಉಸ್ಮಾನ್​ ಖವಾಜ ವಿಕೆಟ್​ ಉರುಳಿಸಿದ್ದಾರೆ. ಸಧ್ಯ ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್​ ಆಗಿದೆ.

Fiery scenes in the final over at the SCG!

How's that for a finish to Day One 👀#AUSvIND pic.twitter.com/BAAjrFKvnQ

— cricket.com.au (@cricketcomau) January 3, 2025

ಸ್ಯಾಮ್​ ಕಾನ್​ಸ್ಟಾಸ್​ನ ಅತಿರೇಖದ ವರ್ತನೆ

ನಾಲ್ಕನೇ ಟೆಸ್ಟ್​ ಮೂಲಕ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ಪಾದಾರ್ಪಣೆ ಮಾಡಿರುವ ಕಾನ್​ಸ್ಟಾಸ್​ ಮೊದಲ ಪಂದ್ಯದಿಂದಲೂ ಅತಿರೇಖದ ವರ್ತನೆ ತೋರಿತ್ತಿದ್ದಾನೆ. ಹಿರಿಯ ಆಟಗಾರಗಳನ್ನು ಕೆಣಕುವ ಕೆಲಸ ಮಾಡುತ್ತಿದ್ದಾನೆ. ಕಳೆದ ಪಂದ್ಯದಲ್ಲೂ ಜೈಸ್ವಾಲ್​ ಬ್ಯಾಟಿಂಗ್​ ವೇಳೆ ಕೆಣಕಿ ಬೌಲ್​ನಿಂದ ಹೊಡೆಸಿಕೊಂಡಿದ್ದ. ಇಷ್ಟಾದರೂ ಬುದ್ಧಿ ಕಲಿಯದ ಈ ಯುವ ಆಟಗಾರ ಹಿರಿಯ ಆಟಗಾರರನ್ನು ಕೆಣಕುತ್ತಿದ್ದು ಟೀಕೆಗೆ ಗುರಿಯಾಗಿದ್ದಾನೆ.

Bumrah vs Konstas. CINEMA 🔥#AUSvIND | #INDvsAUSTest pic.twitter.com/B0Rhsg1hMC

— ᴋᴀʀᴛʜɪ (@SaffronTwitz) January 3, 2025

ಪಂದ್ಯದ ಹೈಲೈಟ್​

ಈ ಪಂದ್ಯದಲ್ಲಿ ಟಾಸ್​ಗೆದ್ದು ಮೊದಲು ಬ್ಯಾಟ್​ ಮಾಡಿದ್ದ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 185 ರನ್​ಕಲೆಹಾಕಿತು. ಆಸ್ಟ್ರೇಲಿಯಾ ಪರ ಬೋಲ್ಯಾಂಡ್​ 4 ವಿಕೆಟ್​, ಮಿಚೆಲ್​ ಸ್ಟಾರ್ಕ್​ 3, ಪ್ಯಾಟ್​ ಕಮಿನ್ಸ್​ 2, ನಥಾನ ಲಿಯಾನ್​ 1 ವಿಕೆಟ್​ ಉರುಳಿಸಿದ್ದಾರೆ. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​ನಲ್ಲಿ 9 ರನ್​ ಕೆಲಹಾಕಿ 1 ವಿಕೆಟ್​ ಕಳೆದುಕೊಂಡಿದೆ. ಭಾರತದ ಪರ ಜಸ್ಪ್ರೀತ್​ ಬುಮ್ರಾ 1 ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ: ಸಿಡ್ನಿ ಟೆಸ್ಟ್‌: ಅದೇ ರಾಗ, ಅದೇ ತಾಳ: ಬ್ಯಾಟಿಂಗ್​ನಲ್ಲಿ ಮತ್ತೆ ವೈಫಲ್ಯ, ಸಂಕಷ್ಟದಲ್ಲಿ ಟೀಂ ಇಂಡಿಯಾ