ರಾಮನಾಥಪುರಂ (ತಮಿಳುನಾಡು):ರಾಮನಾಥಪುರಂ ಜಿಲ್ಲೆಯ ಮಂಡಪಂ - ರಾಮೇಶ್ವರಂ ದ್ವೀಪ ಪ್ರದೇಶಕ್ಕೆ ಸಂಪರ್ಕ ಕಲ್ಪಿಸಲು ಸಮುದ್ರ ಮಾರ್ಗದ ರೈಲು ಸಂಚಾರ ಪುನಾರಂಭಿಸಲಾಗಿದೆ. ಪಂಬನ್ ಹೊಸ ಸೇತುವೆಯಲ್ಲಿ 80 ಕಿಮೀ ವೇಗದಲ್ಲಿ ರೈಲಿನ ಪ್ರಯೋಗ ಸಂಚಾರ ಗುರುವಾರ ನಡೆಸಲಾಯಿತು.
ಪಂಬನ್ ಸೇತುವೆ ರೈಲು ಸಂಚಾರವನ್ನು 1914ರಲ್ಲಿ ಆರಂಭಿಸಲಾಗಿತ್ತು. ಇದಕ್ಕಾಗಿ ಸಮುದ್ರದಲ್ಲಿ ಹಡಗುಗಳು ಬಂದು ಹೋಗುವಾಗ ತೆರೆದು ಮುಚ್ಚಲು ರೈಲ್ವೆ ಸೇತುವೆ ನಿರ್ಮಿಸಲಾಗಿತ್ತು. ಈ ಸೇತುವೆ ನಿರ್ಮಾಣವಾಗಿ 106 ವರ್ಷಗಳು ಕಳೆದಿದ್ದು, ಸೇತುವೆ ಹಾನಿಯಿಂದಾಗಿ ರೈಲು ಸಂಚಾರ ಸ್ಥಗಿತಗೊಂಡಿತ್ತು. ನಂತರ 550 ಕೋಟಿ ರೂಪಾಯಿ ವೆಚ್ಚದಲ್ಲಿ ನೂತನ ರೈಲ್ವೇ ತೂಗುಸೇತುವೆ ನಿರ್ಮಿಸಲು ಕೇಂದ್ರ ಸರ್ಕಾರ ಯೋಜನೆ ರೂಪಿಸಿತು.
ಕೆಲವು ದಿನಗಳ ಹಿಂದೆ, ರೈಲ್ವೆ ಸಿಬ್ಬಂದಿ ಹೊಸ ರೈಲ್ವೆ ತೂಗು ಸೇತುವೆಯ ಮೇಲೆ ಕೇಂದ್ರೀಯವಾಗಿ ನಿರ್ಮಿಸಲಾಗಿರುವ ಹೈಡ್ರಾಲಿಕ್ ಲಂಬ ತೂಗು ಸೇತುವೆಯನ್ನು ಎತ್ತುವ ಮತ್ತು ಇಳಿಸುವ ಪ್ರಯೋಗವನ್ನು ಯಶಸ್ವಿಯಾಗಿ ನಡೆಸಿದರು.
ಇದರ ಬೆನ್ನಲ್ಲೇ ಇಂದು (ನವೆಂಬರ್ 7) ಬೆಳಗ್ಗೆ 10.30ರಿಂದ ಮಧ್ಯಾಹ್ನ 2.30ರವರೆಗೆ ಪಂಬನ್ ಹೊಸ ಸೇತುವೆ ಮೂಲಕ ರಾಮೇಶ್ವರಕ್ಕೆ 80 ಕಿ.ಮೀ ವೇಗದಲ್ಲಿ ಇಂಜಿನ್ ಹಾಗೂ ಕೋಚ್‌ಗಳೊಂದಿಗೆ ರೈಲು ಓಡಿಸುವ ಮೂಲಕ ಅಧಿಕಾರಿಗಳು ಪ್ರಾಯೋಗಿಕ ಸಂಚಾರ ನಡೆಸಿದರು.
ಈ ಪ್ರಾಯೋಗಿಕ ಸಂಚಾರದ ಕುರಿತು ಮಧುರೈ ರೈಲ್ವೇ ವಲಯ ಅಧಿಕಾರಿಗಳು ಮಾಹಿತಿ ನೀಡಿದ್ದು, "ಇಂದಿನ ಪ್ರಾಯೋಗಿಕ ಸಂಚಾರ ಹೊಸ ಪಂಬನ್ ಸೇತುವೆಯ ನಿಖರತೆ ಮತ್ತು ಬಲವನ್ನು ಬಹಿರಂಗಪಡಿಸಿದೆ. ಇದು ಮಂಟಪಂ - ರಾಮೇಶ್ವರಂ ವಿಭಾಗದಲ್ಲಿ ಗಂಟೆಗೆ 121 ಕಿಮೀ ಮತ್ತು ಪ್ರತಿ ಗಂಟೆಗೆ 80 ಕಿಮೀ ವೇಗವನ್ನು ತಲುಪಿದೆ ಎಂಬುದು ಗಮನಾರ್ಹವಾಗಿದೆ ಎಂದು ತಿಳಿಸಿದ್ದಾರೆ.
ರೈಲ್ವೆ ಸುರಕ್ಷತಾ ಆಯುಕ್ತ ಎ.ಎಂ. ಚೌಧರಿ ಮಾತನಾಡಿ, ಮಂಡಪಂನಿಂದ ಪಂಬನ್ ಮೂಲಕ ರಾಮೇಶ್ವರಂಗೆ ರೈಲು ಸಂಚಾರ ಶೀಘ್ರದಲ್ಲೇ ಆರಂಭವಾಗುವ ನಿರೀಕ್ಷೆ ಇದೆ. ಪಂಬನ್ ಹೊಸ ಸೇತುವೆಯ ಕಾಮಗಾರಿಯನ್ನು ಪರಿಶೀಲಿಸಲಾಗಿದೆ ಎಂದರು.
ಇದನ್ನೂ ಓದಿ:ವಯನಾಡ್ ಉಪಚುನಾವಣೆ: ರಾಹುಲ್, ಪ್ರಿಯಾಂಕಾ, ಸಿದ್ದರಾಮಯ್ಯ, ಡಿಕೆಶಿ ಚಿತ್ರವಿರುವ ಆಹಾರ ಕಿಟ್ ಪೊಲೀಸರ ವಶ
