ৰাজু চাহুৰ পুত্তলিকা দাহ কৰি শ শ চাহ শ্ৰমিকৰ তীব্ৰ প্ৰতিবাদ - Protest in Chabua

ডিব্ৰুগড়, 17 জুন : চাবুৱা চাহ বাগিচাত চাহ মজদুৰ সংঘৰ শ শ কৰ্মীৰ তীব্ৰ প্ৰতিবাদ ৷ চাবুৱা চাহ বাগিচাৰ প্ৰাংগনত চাবুৱাৰ প্ৰাক্তন বিধায়ক তথা চাহ মজদুৰ সংঘৰ পানীতোলা শাখাৰ সম্পাদক ৰাজু চাহুৰ পুত্তলিকা দাহ কৰি প্ৰতিবাদ সাব্যস্ত কৰে চাহ শ্ৰমিকসকলে ৷ জানিব পৰা মতে চাবুৱা চাহ মজদুৰ সংঘৰ চাবুৱা প্ৰাথমিক শাখাৰ পুৰণি সমিতি ভংগ কৰি নতুনকৈ সমিতি গঠন কৰাক লৈ এই প্ৰতিবাদ সাব্যস্ত কৰে কৰ্মীসকলে ৷

ৰাজু চাহুৱে একপক্ষীয়ভাৱে নিজৰ পচন্দৰ চাহ শ্ৰমিকক লৈ এই সমিতি গঠন কৰাৰ অভিযোগ কৰি শতাধিক চাহ শ্ৰমিক ওলাই আহি তীব্ৰ প্ৰতিবাদ সাব্যস্ত কৰে ৷ প্ৰতিবাদকাৰীসকলে ৰাজু চাহুৱে গঠন কৰা নতুন চাবুৱা প্ৰাথমিক শাখা সমিতি মানি নোলোৱাৰ হুংকাৰ প্ৰদান কৰে ৷ 
 

লগতে পঢ়ক : মৃতকৰ সৎকাৰথলীত তীব্ৰ প্ৰতিবাদ চাহ মজদুৰ সংঘৰ শতাধিক নেতা-কৰ্মীৰ - Tea worker protest