হাউলীৰ মৌটুপুৰী গাঁৱত ভাগিনীয়েকৰ হাতত প্ৰাণ গ’ল মামীয়েকৰ - Sensational Murder in Barpeta

বৰপেটা, 29 মাৰ্চ : বৰপেটাৰ হাউলীত লোমহৰ্ষক ঘটনা ৷ হাউলীৰ মৌটুপুৰী গাঁৱত মামীয়েকক ঘপিয়াই হত্যা ভাগিনীয়েকৰ ৷ মৌটুপুৰী গাঁৱৰ মনোজ কুমাৰ বৰুৱা নামৰ এজন যুৱকে ঘৰতে ঘপিয়াই হত্যা কৰে মামীয়েকক ৷

ভাগিনীয়েকৰ ঘাপত নিহত মহিলা গৰাকীৰ নাম ববিতা দাস বুলি জানিব পৰা গৈছে ৷ হত্যাকাণ্ড সংঘটিত কৰিয়েই বাইকেৰে বৰপেটালৈ আহি বৰপেটা সত্ৰৰ চৌহদত প্ৰৱেশ কৰে হত্যাকাৰীয়ে ৷ বৰপেটা সত্ৰৰ চৌহদত প্ৰৱেশ কৰি উত্তপ্ত পৰিৱেশৰ সৃষ্টি কৰে যুৱকজনে ৷  

পিচত স্থানীয় ৰাইজে কৌশলেৰে যুবকজনক আটক কৰি আৰক্ষীক ঘটনা সম্পৰ্কে অৱগত কৰে আৰু বৰপেটা সদৰ থানাৰ আৰক্ষী উপস্থিত হৈ যুৱকজনক কৰায়ত্ব কৰে ৷ সংবাদ মাধ্যমৰ আগত নিজৰ মামীয়েকক হত্যা কৰাৰ কথা অকপটে স্বীকাৰ কৰে অভিযুক্ত যুৱকজনে ৷ 

লগতে পঢ়ক : হাতত কটা মুণ্ড-দা লৈ ৰাজপথত ঘাতক মোমায়েক - Uncle Beheads Niece