হোজাইৰ বজাৰত ৰ'জলীনাই আঙুৰ-তৰমুজ কিনিলেও, খুৱালেও - Lok Sabha election 2024 - LOK SABHA ELECTION 2024

হোজাই, ৩ এপ্ৰিল: হোজাইৰ বজাৰত বজাৰ কৰিবলৈ আহিল কাজিৰঙা লোকসভা সমষ্টিৰ কংগ্ৰেছৰ মনোনীত প্ৰাৰ্থী ৰ'জলীনা তিৰ্কী । বজাৰৰ মাজত গৰমত তৰমুজৰ সোৱাদ লোৱাৰ উপৰিও ক্ৰয় কৰিলে আঙুৰ,মধুৰিআম,আম, তিয়ঁহ ইত্যাদি । আচলতে ৰ'জলীনা তিৰ্কীয়ে বজাৰৰ মাজত এইদৰে বজাৰ কৰি চলালে নিৰ্বাচনী প্ৰচাৰ । বুধবাৰে হোজাইৰ যোগীজান বজাৰত বিপনীসমূহত সোমাই নিজৰ চিনাকী দি বিচাৰিলে ভোট । তেওঁ ভোট বিচাৰি কাৰোবাক যদি খুৱাইছে আঙুৰ, আন কাৰোবাক আকৌ পিন্ধালে গামোচা । পিচত ই-ৰিক্সাত উঠি ৰাইজৰ মাজত উপস্থিত হৈ কাজিৰঙা সমষ্টিৰ কংগ্ৰেছৰ প্ৰাৰ্থীগৰাকীয়ে চলালে নিৰ্বাচনী প্ৰচাৰ । লগতে বিজেপি চৰকাৰক মূল্যবৃদ্ধি, নিবনুৱা সমস্যা সমাধানৰ কৰিব নোৱৰাৰ বাবে সমালোচনা কৰে প্ৰাৰ্থীগৰাকীয়ে । তেওঁ আৰু কয়, "মই য'তে  গৈছো সকলোৱে কৈছে বিজেপি নালাগে । উন্নয়নৰ নাম লৈ ভেকোভাওনা কৰিছে বিজেপিয়ে ।"

লগতে পঢ়ক: EVM-VVPAT সন্দৰ্ভত উচ্চতম ন্যায়ালয়ৰ পক্ষেপক অজাপৰ আদৰণি - Lok Sabha election 2024