হায়দৰাবাদ : বলীউডৰ শ্বাহেনশ্বাহ অমিতাভ বচ্চন ছ’চিয়েল মিডিয়াত কৰা পোষ্টৰ বাবে প্ৰায়ে শিৰোনামত থাকে । শেহতীয়াকৈ ‘বিগ বি’ৰ এটা পোষ্টে মানুহৰ দৃষ্টি আকৰ্ষণ কৰিছে । এই পোষ্টটোত সদ্যবিদায়ী বছৰটোত শেষনিশ্বাস ত্যাগ কৰা তাৰকাসকলক মেগাষ্টাৰগৰাকীয়ে স্মৰণ কৰিছে ৷ 'বিগ বি'ৰ এই পোষ্টটোৱে সকলোৰে হৃদয় চুই গৈছে ।
৩ জানুৱাৰীৰ পুৱাই অমিতাভ বচ্চনে নিজৰ অফিচিয়েল ইনষ্টাগ্ৰামত এখন এনিমেটেড ফটো শ্বেয়াৰ কৰে, য’ত তেওঁ ২০২৪ চনত বিশ্বৰ পৰা বিদায় লোৱা মহান ব্যক্তিসকলক স্মৰণ কৰে । এই ফটোখনৰ জৰিয়তে তেওঁ প্ৰবীণ তাৰকাসকলক শ্ৰদ্ধাঞ্জলি জনায় । ইয়াৰ উপৰিও বিশ্ববাসীক এক বিশেষ বাৰ্তাও দিয়ে বচ্চনে ।
ফটোখনত কিংবদন্তী জাকিৰ হুছেইন, ৰতন টাটা, শ্যাম বেনেগাল আৰু মনমোহন সিঙক এনিমেটেড ৰূপত দেখা গৈছে, য’ত তেওঁলোকক স্বৰ্গৰ নায়ক বুলি অভিহিত কৰা হৈছে । ফটোখনৰ শিৰোনামটোত লিখা আছে, "এজন পাৰ্চী, এজন মুছলমান, এজন শিখ আৰু এজন হিন্দুৰ ২০২৪ চনত মৃত্যু হয় আৰু সমগ্ৰ দেশে শোক অনুভৱ কৰে আৰু তেওঁলোকক সকলোৱে এজন ভাৰতীয় হিচাপে মনত ৰাখে ।" এই হৃদয়স্পৰ্শী ছবিখন শ্বেয়াৰ কৰি বিগ বিয়ে পোষ্টটোৰ শিৰোনামত লিখিছিল, 'ছবিয়ে সকলো কয়'।
'বিগ বি'ৰ পোষ্টক লৈ অনুৰাগীৰ প্ৰতিক্ৰিয়া
অনুৰাগীসকলে এই পোষ্টটোক লৈ যথেষ্ট প্ৰতিক্ৰিয়া প্ৰকাশ কৰিছে । এজন অনুৰাগীয়ে মন্তব্য কৰিছে, 'আমি ইমান ডাঙৰ কথা কেনেকৈ পাহৰিলোঁ' । আন এজন ব্যৱহাৰকাৰীয়ে লিখিছে, 'এতিয়ালৈকে সৰ্বশ্ৰেষ্ঠ পোষ্ট । এজন প্ৰকৃত ভাৰতীয় কিংবদন্তী । পিৰিয়ড' ৷ আন এজন ব্যৱহাৰকাৰীয়ে লিখিছে, 'ভাৰতৰ প্ৰকৃত ৰত্ন' ৷ এজন ব্যৱহাৰকাৰীয়ে মন্তব্য কৰিছে, 'ছাৰ জী, ই আমাক অনুপ্ৰাণিত কৰে যে আমি সকলো এক'।
লগতে পঢ়ক : অমিতাভৰ পৰা দীপিকালৈ: বিনা পাৰিশ্ৰমিকেৰে কাম কৰা ছগৰাকী বিশেষ ব্যক্তিত্ব
