বিবাহ বিচ্ছেদৰ পিছত বিদেশী মহিলাৰ প্ৰেমত মচগুল প্ৰাক্তন ভাৰতীয় ক্ৰিকেটাৰ শিখৰ ধৱন

Shikhar Dhawan date Foreigner Girl: বিবাহ বিচ্ছেদৰ পিছত শিখৰ ধৱনৰ জীৱনলৈ আন এগৰাকী মহিলাৰ আগমন ৷ অনুৰাগীয়ে দুয়োগৰাকীকে একেলগে প্ৰত্যক্ষ কৰে বিমানবন্দৰত ৷

স্প’ৰ্টছ ডেস্ক: পুনৰ এবাৰ প্ৰেমত হাবু-ডাবু খাইছে প্ৰাক্তন ভাৰতীয় ক্ৰিকেটাৰ শিখৰ ধৱন ৷ যাৰ বাবে আহিছে সংবাদ মাধ্যমৰ চৰ্চালৈ ৷ এগৰাকী বিদেশী মহিলাৰ সৈতে সাঙোৰ খাইছে প্ৰাক্তন ভাৰতীয় ক্ৰিকেটাৰগৰাকীৰ নাম ৷

দেৱালীৰ সময়তে এই কথা পোহৰলৈ আহে ৷ যেতিয়া দুয়োগৰাকীয়ে একেলগে ঘূৰা-ফুৰা কৰাতো অনুৰাগীসকলে মুম্বাই বিমানবন্দৰত প্ৰত্যক্ষ কৰে ৷

সুন্দৰী বিদেশী মহিলাৰ সৈতে দেখা গৈছিল ধৱনক

সামাজিক মাধ্যমত ভাইৰেল হৈ পৰা এটা ভিডিঅ’ত শিখৰ ধৱনক এখন বিলাসী বাহনৰ পৰা বিমানবন্দৰত নমা দেখা গৈছে । প্ৰাক্তন ভাৰতীয় ক্ৰিকেটাৰগৰাকীক বিমানবন্দৰত দেখি সংবাদ মাধ্যমৰ লোকসকলে বন্দী কৰে কেমেৰাত ৷

ধৱনৰ সৈতে বাহনখনৰ পৰা নামি আহে এগৰাকী সুন্দৰী বিদেশী মহিলা ৷ তাৰপিছতে দুয়োগৰাকী বিমানবন্দৰৰ ভিতৰলৈ সোমাই যায় ৷ মহিলাগৰাকীক দেখা মাত্ৰকে সংবাদ মাধ্যমৰ লোকসকলে ধৱনক মহিলাগৰাকী সন্দৰ্ভত কিছু প্ৰশ্ন সোধে যদিও উত্তৰ দিয়াৰ পৰা তেওঁ বিৰত থাকে ৷

ইয়াৰ পিছৰে পৰা শিখৰ ধৱনৰ প্ৰেমৰ সম্পৰ্ক সন্দৰ্ভত বহু চৰ্চা চলা দেখা যায় ৷ অৱশ্যে এই ভিডিঅ’টোত সকলো কথা স্পষ্ট হোৱা নাই ৷ বৰ্তমানলৈকে বিদেশী মহিলাগৰাকী কোন, সেয়া জানিব পৰা হোৱা নাই ৷

বিবাহ বিচ্ছেদৰ পিছত অকলশৰীয়া জীৱন কটাইছে শিখৰ ধৱনে

বৰ্তমান সময়ত অকলশৰীয়া জীৱন কটাইছে প্ৰাক্তন ভাৰতীয় ক্ৰিকেটাৰ শিখৰ ধৱনে । কেইবছৰমান পূৰ্বে পত্নীৰ সৈতে বিবাহ বিচ্ছেদ ঘটিছিল প্ৰাক্তন ক্ৰিকেটাৰগৰাকীৰ ৷ শিখৰ ধৱনৰ জোৰাৱৰ নামেৰে এটা ল’ৰা সন্তানো আছে ৷ সম্প্ৰতি জোৰাৱৰে মাতৃৰ সৈতে বসবাস কৰি আছে ৷

শিখৰ ধৱনে 2009 চনত তেওঁতকৈ 10 বছৰৰ সৰু আয়েশা মুখাৰ্জীৰ সৈতে বাগদান কাৰ্য সম্পন্ন কৰিছিল । পৰৱৰ্তী সময়ত তেওঁলোক দুয়োৱে 2012 চনত বিবাহপাশত আৱদ্ধ হয় । প্ৰায় 9 বছৰীয়া যুগ্ম জীৱনৰ অন্তত 2021 চনত দুয়োৰে বিবাহ বিচ্ছেদ ঘটে ৷

শিখৰ ধৱনৰ প্ৰথমা পত্নী আয়েশা এগৰাকী ব্ৰিটিছ-বঙালী মহিলা আছিল । তেওঁৰ মাতৃ ব্ৰিটিছ আছিল আৰু দেউতাক বঙালী আছিল । আয়েশাৰ প্ৰথম স্বামীৰ ফালৰ আছিল দুগৰাকী কন্যা, যাৰ নাম ৰিয়া আৰু আলিয়া ।

কিন্তু এতিয়া আকৌ এবাৰ আয়েশাৰ প্ৰাক্তন স্বামী অৰ্থাৎ শিখৰ ধৱনক আন এগৰাকী বিদেশী মহিলাৰ সৈতে একেলগে দেখা গৈছে । অৱশ্যে এই দুয়োজনে ডেটিং কৰি আছে নে নাই, এতিয়ালৈকে ইয়াৰ বিষয়ে একো স্পষ্ট হোৱা নাই ।

লগতে পঢ়ক:নিউজিলেণ্ডৰ বিৰুদ্ধে লজ্জাজনক পৰাজয়ৰ পিছতে অৱসৰ ঘোষণা ভাৰতীয় ক্ৰিকেটাৰৰ