কলকাতা: টি-২০ আন্তঃৰাষ্ট্ৰীয় ক্ৰিকেটত সৰ্বাধিক উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হৈছে টীম ইণ্ডিয়াৰ বাওঁহাতৰ বেগী বলাৰ আৰ্শদীপ সিং । ভাৰতীয় লেগ স্পিনাৰ যুজবেন্দ্ৰ চাহালক চেৰ পেলাই তেওঁ এই স্থান অৰ্জন কৰিছে । কলকাতাৰ ইডেন গাৰ্ডেনত ভাৰত আৰু ইংলেণ্ডৰ মাজত অনুষ্ঠিত হোৱা প্ৰথমখন টি-২০ মেচত আৰ্শদীপ সিঙে এই কৃতিত্ব অৰ্জন কৰে ।
আৰ্শদীপ সিঙে আজি মেচখনত প্ৰথমটো উইকেট দখল কৰি টি-২০ত সৰ্বাধিক আন্তৰ্জাতিক উইকেট দখল কৰা যুজবেন্দ্ৰ চাহালৰ (৯৬) অভিলেখ স্পৰ্শ কৰে । ইয়াৰ পাছত দ্বিতীয়টো উইকেট দখল কৰি আৰ্শদীপ ভাৰতৰ হৈ টি-২০ আন্তঃৰাষ্ট্ৰীয় ক্ৰিকেটত সৰ্বাধিক উইকেট দখল কৰা ১ নম্বৰ বলাৰ হিচাপে পৰিগণিত হয় ।
Abhishek Sharma weaving magic and how! 🪄
— BCCI (@BCCI) January 22, 2025
Follow The Match ▶️ https://t.co/4jwTIC5zzs #TeamIndia | #INDvENG | @IamAbhiSharma4 | @IDFCFIRSTBank pic.twitter.com/5xhtG6IN1F
ইংলেণ্ডৰ ইনিংছৰ তৃতীয় বলত আৰ্শদীপ সিঙে প্ৰথমটো উইকেট দখল কৰি ফিল ছল্টক শূন্য স্ক’ৰ আউট কৰে । ইয়াৰ পিছতে দ্বিতীয় ইনিংছৰ তৃতীয় অভাৰৰ পঞ্চম বলত ৪ ৰাণৰ ব্যক্তিগত স্ক’ৰত বেন ডাকেটক আউট কৰে । ইয়াৰ লগে লগে আৰ্শদীপে এই ডাঙৰ কৃতিত্ব অৰ্জন কৰে ।
𝘼 𝙎𝙩𝙮𝙡𝙞𝙨𝙝 𝙁𝙞𝙛𝙩𝙮 😎
— BCCI (@BCCI) January 22, 2025
Abhishek Sharma starts the #INDvENG T20I series on the right note 👍
Follow The Match ▶️ https://t.co/4jwTIC5zzs#TeamIndia | #INDvENG | @IDFCFIRSTBank pic.twitter.com/U7Mkaamnfv
ইংলেণ্ডৰ ইনিংছৰ তৃতীয় বলত শূন্য স্ক’ৰত ফিল ছল্টক আউট কৰি আৰ্শদীপে ২টা উইকেট দখল কৰি এই ডাঙৰ মাইলৰ খুঁটি অৰ্জন কৰে । ইয়াৰ পাছত দ্বিতীয় ইনিংছৰ তৃতীয় অভাৰৰ পঞ্চম বলত বেন ডাকেটক ব্যক্তিগতভাৱে ৪ ৰাণৰ স্ক’ৰত আউট কৰে । এইখিনিৰেই আৰ্শদীপে নিজৰ নামত এই ডাঙৰ সাফল্য অৰ্জন কৰিলে।
Abhishek Sharma's explosive knock outclassed England in the T20I series opener in Kolkata 💥#INDvENG 📝: https://t.co/9nrI1DaGqi pic.twitter.com/aLigXoyyaN
— ICC (@ICC) January 22, 2025
ইফালে মেচখনত অভিষেক শৰ্মাই অৰ্ধশতকৰ এক উজ্জ্বল ইনিংছ খেলিছিল । বাওঁহাতৰ বেটছমেনগৰাকীয়ে মাত্ৰ ৩৪টা বলত ৮টা ছয়ৰ সহায়ত ৭৯ ৰাণ সংগ্ৰহ কৰে । এই ধুমুহাময় ইনিংছৰ সহায়ত শিষ্য অভিষেকে নিজৰ গুৰু যুৱৰাজ সিঙৰ এক ডাঙৰ অভিলেখ ভংগ কৰে ।
𝙈𝙞𝙡𝙚𝙨𝙩𝙤𝙣𝙚 𝙐𝙣𝙡𝙤𝙘𝙠𝙚𝙙 🔓
— BCCI (@BCCI) January 22, 2025
Say hello 👋 to #TeamIndia's leading wicket-taker in Men's T20Is 🔝
Well done, Arshdeep Singh 🙌 🙌
Follow The Match ▶️ https://t.co/4jwTIC5zzs#INDvENG | @IDFCFIRSTBank pic.twitter.com/K6lQF3la01
অভিষেকে ক্ৰীজত থকাৰ সময়ছোৱাত ৮টা ছয় সংগ্ৰহ কৰি যুৱৰাজ সিঙক অতিক্ৰম কৰি টি-২০ত ইংলেণ্ডৰ বিৰুদ্ধে ইনিংছত সৰ্বাধিক ছয় সংগ্ৰহ কৰা ভাৰতীয় বেটছমেন হিচাপে পৰিগণিত হয় । ২০০৭ চনৰ টি-২০ বিশ্বকাপত ইংলেণ্ডৰ বিৰুদ্ধে অৰ্ধশতক অৰ্জন কৰাৰ সময়ত যুৱৰাজে ৭ টা ছয় মাৰিছিল ।
তদুপৰি অভিষেকে মাত্ৰ ২০টা বলত অৰ্ধশতক সম্পূৰ্ণ কৰি ইংলেণ্ডৰ বিৰুদ্ধে ভাৰতীয় বেটছমেনৰ দ্বাৰা দ্বিতীয় দ্ৰুততম অৰ্ধশতক অৰ্জন কৰে । ২০০৭ চনৰ টি-২০ বিশ্বকাপত মাত্ৰ ১২টা বলত অৰ্ধশতক সম্পূৰ্ণ কৰা গুৰু যুৱৰাজ সিঙৰ পিছতে আছে ২৪ বছৰীয়া অভিষেক । এইখনেই আছিল সেই একেখন মেচত য’ত যুৱৰাজ সিঙে ষ্টুয়াৰ্ট ব্ৰডক ১ অভাৰত ৬ টা ছয় মাৰে ।
লগতে পঢ়ক: বছৰৰ প্ৰথমখন টি-২০ত ইংলেণ্ডৰ বিৰুদ্ধে ভাৰতৰ বৃহৎ জয়
