স্প’ৰ্টছ ডেস্ক: আন ক্লাবসমূহত কৰা সুন্দৰ প্ৰদৰ্শনৰ দৰে লিঅ’নেল মেছিয়ে ইণ্টাৰ মিয়ামিৰ হৈও মেজৰ লীগ ফুটবলত আগবঢ়াইছে সুন্দৰ প্ৰদৰ্শন । মেছিয়ে চলিত বৰ্ষৰ ছিজনত 19 খন খেলত অংশগ্ৰহণ কৰি 20 টা গ'ল প্ৰদান কৰিছে ৷
আৰ্জেণ্টিনাৰ ফুটবল তাৰকাগৰাকীয়ে আটলাণ্টা ইউনাইটেডৰ বিৰুদ্ধে শেহতীয়াকৈ হোৱা মুখামুখিত এটা গ'ল কৰে ৷ অৱশ্যে এয়া ইণ্টাৰ মিয়ামিৰ 2-3 ৰ পৰাজয় প্ৰতিহত কৰিবলৈ পৰ্যাপ্ত নাছিল । ফলত ইণ্টাৰ মিয়ামি এম এল এছ কাপৰ প্লে-অফ পৰ্যায়ৰ পৰা বাহিৰ হয় দলটো ।
মেছিয়ে ভংগ কৰে ৰ’নাল্ডোৰ অভিলেখ
বাৰ্চিলোনাৰ কিংবদন্তীগৰাকীয়ে কেৰিয়াৰত 850 টা গ'ল কৰে, যিটো পৰ্তুগীজ তাৰকা ক্ৰিষ্টিয়ানো ৰ’নাল্ডোৱে ইতিমধ্যে অৰ্জন কৰা অভিলেখৰ সমান । অৱশ্যে আটাইতকৈ কম খেলত এই কৃতিত্ব অৰ্জন কৰাৰ ক্ষেত্ৰত মেছিয়ে ৰ’নাল্ডোক অতিক্ৰম কৰে । ৰ’নাল্ডোৱে 1,179 খন মেচত 850 টা গ'ল কৰিছিল ৷ আনহাতে, মেছিয়ে 1,081 খন মেচত এই কৃতিত্ব অৰ্জন কৰে ৷