স্প’ৰ্টছ ডেস্ক, 9 ছেপ্টেম্বৰ: বিশ্বৰ এক নম্বৰ স্থানৰ টেনিছ খেলুৱৈ য়ানিক ছিনাৰে দুৰ্দান্ত প্ৰদৰ্শন আগবঢ়াই জয় কৰিছে ইউ এছ অ’পেন 2024 ৰ খিতাপ ৷ ইটালীৰ টেনিছ খেলুৱৈ ছিনাৰে ইউ এছ অ’পেনৰ ফাইনেলত আমেৰিকাৰ শীৰ্ষস্থানৰ টেনিছ খেলুৱৈ টেইলৰ ফ্ৰিটজক পৰাস্ত কৰি খিতাপ অৰ্জন কৰে । য়ানিকে প্ৰথমবাৰৰ বাবে এই খিতাপ জয় কৰে । টেনিছৰ ক্ষেত্ৰত এয়া খেলুৱৈগৰাকীৰ দ্বিতীয়টো মুখ্য খিতাপ ৷
য়ানিক ছিনাৰৰ দখলত ইউ এছ অ’পেন 2024 ৰ খিতাপ
য়ানিক ছিনাৰে ইউ এছ অ’পেন 2024 ৰ খিতাপ দখল কৰিছে ৷ প্ৰতিযোগিতাখনত শেষ হাঁহি মাৰিবলৈ ছিনাৰক প্ৰয়োজন হৈছিল 2 ঘণ্টা 16 মিনিট সময় ৷ মেচখনত প্ৰতিপক্ষৰ খেলুৱৈ টেইলৰ ফ্ৰিটজক 6-3, 6-4, 7-5 ছেটত পৰাস্ত কৰে ছিনাৰে ।
এই জয়ৰ লগে লগে তাৰকা টেনিছ খেলুৱৈজনে একেটা ছিজনত হাৰ্ড ক'ৰ্টত অষ্ট্ৰেলিয়ান অ’পেন আৰু ইউ এছ অ’পেন জয় কৰা চতুৰ্থগৰাকী টেনিছ খেলুৱৈত পৰিগণিত হয় । ইয়াৰ পূৰ্বে মেটছ ৱিলেণ্ডাৰ, ৰজাৰ ফেডাৰেৰ আৰু ন’ভাক জক’ভিচৰ দৰে তাৰকা টেনিছ খেলুৱৈসকলে এই কৃতিত্ব অৰ্জন কৰিছে ।
ছিনাৰে লাভ কৰিছে এই ধনৰাশি
এই খিতাপ জয়ৰ পিছতে খেলুৱৈগৰাকীয়ে পুৰস্কাৰ হিচাপে লাভ কৰে 3.6 নিযুত ডলাৰ, ভাৰতীয় হিচাপত যি পৰিমাণ হৈছে প্ৰায় 30,23,18,023.32 কোটি টকা ৷ ইয়াৰ পূৰ্বে ইউ এছ অ’পেন মহিলা একক শাখাত খিতাপ জয়ী আৰ্যনা চাবালেংকাই পুৰস্কাৰ হিচাপে লাভ কৰিছিল 3.6 নিযুত ডলাৰ ৷