স্প’ৰ্টছ ডেস্ক, 30 ছেপ্টেম্বৰ: অনবদ্য অভিলেখৰ সাক্ষী হৈ পৰিছে কানপুৰ টেষ্ট ৷ গ্ৰীণ পাৰ্ক ষ্টেডিয়ামত অনুষ্ঠিত ভাৰত-বাংলাদেশৰ মাজৰ দ্বিতীয় তথা অন্তিমখন শৃংখলাত বৰষুণে বিধি-পথালি দিলেও এই ষ্টেডিয়ামতে স্থাপন হৈছে এক অনন্য অভিলেখ ৷ এই অভিলেখ স্থাপন হৈছে ভাৰতৰ তাৰকা ক্ৰিকেটাৰ ৰবীন্দ্ৰ জাদেজাৰ নামত ৷
জাদেজাই বাংলাদেশৰ খলিল আহমেদৰ উইকেট দখল কৰাৰ লগে লগে এই কৃতিত্ব অৰ্জন কৰে ৷
300 উইকেট দখল কৰা দ্বিতীয়গৰাকী দ্ৰুততম ভাৰতীয়
কানপুৰ টেষ্টৰ চতুৰ্থ দিনা ৰবীন্দ্ৰ জাদেজাই বাংলাদেশৰ খলিল আহমেদৰ উইকেট দখল কৰি স্থাপন কৰে অভিলেখ ৷ ইয়াৰ লগে লগে টেষ্ট ক্ৰিকেটত 300 টা উইকেট দখল কৰা দ্বিতীয়গৰাকী দ্ৰুততম ভাৰতীয় বলাৰত পৰিণত হয় ৰবীন্দ্ৰ জাদেজা ৷
300 উইকেট দখলকাৰী 7 ভাৰতীয়
জাদেজা টেষ্ট ক্ৰিকেটত 300 উইকেট দখল কৰা সপ্তমগৰাকী ভাৰতীয় খেলুৱৈ ৷ 300 বা ততোধিক টেষ্ট উইকেট দখল কৰা আন আন ভাৰতীয় বলাৰসকলৰ ভিতৰত আছে অনিল কুম্বলে (619), আৰ অশ্বিন (524), কপিলদেৱ (434), হৰভজন সিং (417), ইশান্ত শৰ্মা (311) আৰু জাহিৰ খান (311) ।
টেষ্টত দ্বিতীয় দ্ৰুততম 300+ উইকেট আৰু 3000+ ৰাণ
ৰবীন্দ্ৰ জাদেজাই এই অভিলেখ অৰ্জন কৰি ইংলেণ্ডৰ প্ৰাক্তন ক্ৰিকেটাৰ ইয়ান বথামৰ পিছত তেওঁৰ ৭৪ তম টেষ্ট মেচত টেষ্ট ক্ৰিকেটত ৩০০ উইকেট আৰু ৩০০০+ ৰাণৰ দ্বৈত সম্পূৰ্ণ কৰা দ্বিতীয় দ্ৰুততম খেলুৱৈ হিচাপে পৰিগণিত হয়। তেওঁ ৩০০ টা টেষ্ট উইকেট সম্পূৰ্ণ কৰিবলৈ মাত্ৰ ১৭৪২৮ টা বল লৈছিল। ভাৰত আৰ অশ্বিনে ৩০০ টা উইকেট সম্পূৰ্ণ কৰিবলৈ মাত্ৰ ১৫৬৩৬ টা বল লৈছিল।
সকলোতকৈ কম মেচত 3000+ ৰাণ আৰু 300+ উইকেট দখল কৰা খেলুৱৈসকল
- ইয়ান বথাম- 72 মেচ
- ৰবীন্দ্ৰ জাদেজা* - 74 মেচ
- ইমৰাণ খান- 75 মেচ
- কপিলদেৱ আৰু ৰিচৰ্ড হেডলি- 83 মেচ
- শ্বান পোলক-87 মেচ
- ৰবীচন্দ্ৰন অশ্বিন- 88 মেচ
লগতে পঢ়ক:কানপুৰ টেষ্টৰ মাজতে ক্ৰিকেটাৰলৈ ভাবুকি; আৰক্ষীৰ অনুমতি অবিহনে ক’লৈকো যাব নোৱাৰিব খেলুৱৈসকলে - IND VS BAN 2ND TEST
