চিৰাং, ৫ মাৰ্চ:"মই কাৰো সৈতে মিত্ৰতা নকৰো । কোকৰাঝাৰ আৰু দৰং-মঙলদৈ সমষ্টিত আমাৰ প্ৰাৰ্থী জয়ী হৈ কেন্দ্ৰীয় কেবিনেটত মন্ত্ৰিত্ব পাব । " এই মন্তব্য় বিপিএফৰ মুৰব্বী হাগ্ৰামা মহিলাৰীৰ । আজি চিৰাং জিলা বিপিএফৰ অন্তৰ্গত চাৰিটা ব্লকৰ অন্তৰ্গত বুথ কমিটীত কৰ্মকৰ্তাসকলৰ সৈতে হোৱা মত-বিনিময় সভাত এইদৰে মন্তব্য় কৰে বিপিএফৰ মুৰব্বীগৰাকীয়ে । ইপিনে, ইউ পি পি এলৰ সভাপতি তথা বিটিআৰৰ মুখ্য় কাৰ্যবাহী সদস্য় প্ৰমোদ বড়োৱে বিপিএফৰ বিৰুদ্ধে কৰা মন্তব্য় সন্দৰ্ভত হাগ্ৰামা মহিলাৰীয়ে কয়," মই কাৰো কথাৰ কাউন্টাৰ নিদিও ।" ৰাইজে ইয়াৰ প্ৰত্য়ুত্তৰ দিব বুলি কয় হাগ্ৰামা মহিলাৰীয়ে ।
মঙলবাৰে চিৰাং জিলা বিপিএফৰ অন্তৰ্গত চাৰিটা ব্লক বিপিএফ ক্ৰমে নিচিমা,কাজলগাঁও,চিৰাং আৰু চিৰাং দুৱাৰত পৃথকে পৃথকে প্ৰতিটো ব্লকৰ অন্তৰ্গত বুথ কমিটীৰ কৰ্মকৰ্তা সকলৰ সৈতে সভাত মিলিত হয় । এই সভাত আগন্তক লোকসভা নিৰ্বাচনত বিপিএফ দলৰ প্ৰাৰ্থীক জয়ী কৰা সন্দৰ্ভত দলীয় বুথ কমিটীৰ কৰ্মকৰ্তাৰে মত বিনিময় কৰি মহিলাৰীয়ে কয় ," মই কাৰো সৈতে মিত্ৰতা নকৰো । কোকৰাঝাৰ আৰু দৰং-মঙলদৈ সমষ্টিত আমাৰ প্ৰাৰ্থী জয়ী হৈ কেন্দ্ৰীয় কেবিনেটত মন্ত্ৰিত্ব পাব । "