চিটাৰা ডেস্ক, 7 অক্টোবৰ : ৰোহিত শ্বেট্টীৰ বহু চৰ্চিত ফ্ৰেঞ্চাইজি সিংঘম এগেইনৰ ট্ৰেইলাৰ আজি মুকলি কৰা হয় ৷ দীৰ্ঘদিন ধৰি অনুৰাগীসকল ৰৈ আছিল সিংঘমৰ তৃতীয়টো সংস্কৰণৰ বাবে ৷ ৰোহিত শ্বেট্টীৰ দ্বাৰা পৰিচালিত এই চলচ্চিত্ৰখনত অজয় দেৱগণে বাজিৰাও সিংঘমৰ চৰিত্ৰত অভিনয় কৰিছে, য'ত কৰীণা কাপুৰ খান, ৰণবীৰ সিং, দীপিকা পাডুকন, অক্ষয় কুমাৰ, অৰ্জুন কাপুৰ, টাইগাৰ শ্ৰফ আৰু জেকি শ্ৰফে গুৰুত্বপূৰ্ণ চৰিত্ৰত অভিনয় কৰিছে ।
ট্ৰেইলাৰটোৱে ইতিমধ্যে ছ'চিয়েল মিডিয়াত চৰ্চা লাভ কৰিছে, শক্তিশালী একশ্যন, ড্ৰামাই অনুৰাগীক উত্তেজিত কৰি তুলিছে, যিবোৰ ৰোহিত শ্বেট্টীৰ চলচ্চিত্ৰৰ বিশেষত্ব । অনুৰাগীসকলৰ উৎসুকতা অধিক বাঢ়িছে, কিয়নো অজয় দেৱগণৰ সিংঘম অধিক দৃঢ়তা, সংকল্প আৰু তীব্ৰতাৰে ঘূৰি আহিছে ।
ট্ৰেইলাৰটো অধিক শক্তিশালী ৰূপত উপস্থাপন কৰা হৈছে ৷ ট্ৰেইলাৰটোৰ অন্যতম ডাঙৰ আলোকপাত হৈছে ভালেৰাও (চিম্বা) হিচাপে ৰণবীৰ সিঙৰ প্ৰত্যাৱৰ্তন আৰু বীৰ সূৰ্যবংশী হিচাপে অক্ষয় কুমাৰৰ পুনৰ আবিৰ্ভাৱ ।