২০২৫ বৰ্ষত তুলা ৰাশিৰ জাতক-জাতিকাসকলৰ ৰাশিত ধনস্থানত বুধ, তৃতীয় ৰবি, চতুৰ্থত চন্দ্ৰ, পঞ্চমত শুক্ৰ আৰু শনি, ষষ্ঠত ৰাহু, অষ্টমত বৃহস্পতি, দশমত মংগল আৰু দ্বাদশত কেতু গ্ৰহ অৱস্থান কৰি শুভাশুভ ফল নিৰূপণ কৰিছে ।
- ২০২৫ বৰ্ষত কৰ্মৰ ক্ষেত্ৰত তুলা ৰাশিৰ বাবে কেনে হ'ব ?
২০২৫ বৰ্ষত তুলা ৰাশিৰ জাতক-জাতিকাসকলৰ কৰ্মস্থানত মংগল আৰু কৰ্মপতি চন্দ্ৰ চতুৰ্থত অৱস্থান কৰি কৰ্মস্থান বিশেষ শুভ কৰি তুলিছে । এই বৰ্ষত এই ৰাশিৰ লোকসকলে কৰ্মস্থান শুভ হ'ব । কৰ্মত উন্নতি হ'ব লগতে নতুন নতুন কৰ্মৰ সন্ধান লাভ কৰিব ।
নিবনুৱাসকলৰ বাবেও আহি থকা বছৰটো ভাল বুলি ক'ব পাৰি । চৰকাৰী চাকৰি বিচাৰি থকাসকলৰ বাবেও এই বৰ্ষত ভাল হ'ব । পদোন্নতি বিচাৰি থকাসকলৰ পদোন্নতি হোৱাৰ যথেষ্ট সম্ভাৱনা আছে । বদলি বিচাৰি থকা সকলৰ বাবেও চলিত বৰ্ষটো ভাল হ'ব ।
- ২০২৫ বৰ্ষত ধন আৰু ব্যৱসায় ক্ষেত্ৰত তুলা ৰাশিৰ বাবে কেনে হ'ব ?
২০২৫ বৰ্ষত তুলা ৰাশিৰ জাতক-জাতিকাসকলৰ ক্ষেত্ৰত ধনস্থানত বুধ আৰু ধনপতি মংগল কৰ্মস্থানত অৱস্থান কৰি, পঞ্চমত শুক্ৰ তথা শনি গ্ৰহ অৱস্থান কৰি বিশেষ শুভ ফল নিৰূপণ কৰিছে । ২০২৫ বৰ্ষত এই ৰাশিৰ লোকসকলৰ ধন আৰু আৰু ব্যৱসায় স্থানটো শুভ হ'ব ।
মঙলৰ সুপ্ৰভাৱৰ ফলত তেওঁলোকে নতুন নতুন ব্যৱসায়-বাণিজ্যত আত্মনিয়োগ কৰিব পাৰিব । লগতে মেডিচিন, মাটি-বাৰীৰ ব্যৱসায়, গাড়ীৰ ব্যৱসায়, বিল্ডাৰ তেওঁলোকৰ বাবেও এই বৰ্ষটো শুভ বুলি কব পাৰি । পানী, ঠিকাদাৰী, লো, হোটেল-ৰেষ্টুৰেণ্ট, মাছ-মাংস, অনলাইন ব্যৱসায়ৰ লগত জড়িত হৈ থকা সকলৰো খুৱ শুভ বুলি ক'ব পাৰি । লগতে ব্যৱসায়ৰ জৰিয়তে ধন প্ৰাপ্তিৰ যোগ আছে ।
- ২০২৫ বৰ্ষত প্ৰেম-বিবাহৰ ক্ষেত্ৰত তুলা ৰাশিৰ বাবে কেনে হ'ব ?
সপ্তমধিপতি মংগল কৰ্মস্থানত অৱস্থান কৰাৰ ফলত প্ৰেম আৰু বিবাহৰ এটি বিশেষ যোগ সূচনা কৰিছে । ২০২৫ বৰ্ষত প্ৰেম-বিবাহৰ ক্ষেত্ৰত তুলা ৰাশিৰ জাতক-জাতিকাসকলৰ শুভ বুলি কব পাৰি । বিবাহৰ যোগ আছে । কিন্তু প্রেমৰ ক্ষেত্ৰত অকমান সাৱধান হ'ব লাগিব । প্ৰেমত মনোমালিন্য বা ভুল বুজা বুজি হ'ব পাৰে বা তৃতীয় পক্ষ আহিব পাৰে ।
- ২০২৫ বৰ্ষত বিদ্যাৰ ক্ষেত্ৰত তুলা ৰাশিৰ বাবে কেনে হ'ব ?
২০২৫ বৰ্ষত বিদ্যাৰ ক্ষেত্ৰত তুলা ৰাশিৰ জাতক-জাতিকাসকলৰ বাবে শুভ বুলি ক'ব পাৰি । চতুৰ্থত চন্দ্ৰ আৰু পঞ্চমত শনি আৰু শুক্ৰ গ্ৰহ অৱস্থান কৰি বিদ্যাৰ দিশটো শুভ কৰি তুলিছে । ছাত্ৰ-ছাত্ৰীসকলে পৰীক্ষাত শুভ ফল লাভ কৰিব পাৰিব । মনে বিচৰা ফলাফল লাভ কৰিবলৈ সক্ষম হ'ব । বাহিৰত অধ্যয়ন কৰিবলৈ সুযোগ-সুবিধা লাভ কৰিব । এইবর্ষত এই ৰাশিৰ জাতক-জাতিকাসকলে ব্যয়ৰ ক্ষেত্ৰত অকমান সাৱধান হ'ব লাগিব, লগতে শত্ৰুৰ পৰা সাৱধান হ'ব লাগিব ।
