চিটাৰা ডেস্ক, 1 এপ্ৰিল :শেহতীয়াকৈ ভাৰত ভ্ৰমণৰ অন্তত লছ এঞ্জেলছলৈ উভতি অহা ‘চিটাডেল’ৰ অভিনেত্ৰী প্ৰিয়ংকা চোপ্ৰা জোনাছে মিছ কৰিছে মুম্বাইৰ ঘৰখন ৷ ইনষ্টাগ্ৰাম ষ্ট’ৰীত বৰষুণ উপভোগ কৰি থকা এটা ভিডিঅ’ শ্বেয়াৰ কৰিছে তেওঁ, যিটো ভিডিঅ’ তেওঁৰ কাণৰ বাবে সংগীতৰ দৰে বুলি উল্লেখ কৰিছে ।
সোমবাৰে পুৱা প্ৰিয়ংকাই নিজৰ ইনষ্টাগ্ৰাম ষ্ট’ৰীত নিজৰ অনুৰাগীৰ সৈতে কেইখনমান ফটো শ্বেয়াৰ কৰে । প্ৰথম ফটোখনত তেওঁ নিজৰ ছবি এখন বাছি লৈছিল । ঘৰৰ ভিতৰত বহি তেওঁ মুম্বাইৰ সাগৰৰ দৃশ্য দেখুৱাই কেপচনত লিখিছিল, ‘মই এই দৃশ্যটো মিছ কৰিম । ধন্যবাদ মুম্বাই আমাক ঘৰৰ দৰে অনুভৱ কৰোৱাৰ বাবে ।’
প্ৰিয়ংকা চোপ্ৰা জোনাছৰ ইনষ্টা ষ্ট’ৰী আনহাতে দ্বিতীয়টো ষ্ট’ৰীত তেওঁ সুন্দৰ বেকগ্ৰাউণ্ডৰ পটভূমিত নিজৰ বেলকনিৰ পৰা বৰষুণৰ টোপাল পৰা এটা ভিডিঅ’ শ্বেয়াৰ কৰিছে ৷ ভিডিঅ’টো শ্বেয়াৰ কৰি দেশী গাৰ্লে কেপচনত লিখিছে, ‘মোৰ প্ৰিয় শব্দসমূহৰ ভিতৰত এটা ৷’
প্ৰিয়ংকা চোপ্ৰা জোনাছৰ ইনষ্টা ষ্ট’ৰী উৰাজাহাজেৰে ঘৰলৈ উভতি অহাৰ পূৰ্বে স্বামী নিক জোনাছৰ সৈতে প্ৰিয়ংকাই মুম্বাইত তেওঁৰ খুলশালীয়েক-অভিনেত্ৰী মন্নাৰা চোপ্ৰাৰ জন্মদিনৰ পাৰ্টিত অংশ লয় । ‘দেশী গাৰ্ল’ আৰু নিক জোনাছ দুয়োকে ছুপাৰ ষ্টাইলিছ লুকত দেখা গৈছিল । জন্মদিনৰ পাৰ্টিৰ বাবে প্ৰিয়ংকাই বগা ব্ৰালেটৰ সৈতে একেই ৰঙৰ স্কাৰ্ট পিন্ধাৰ পৰিৱৰ্তে নিকে হালধীয়া ৰঙৰ পেণ্ট আৰু বগা চাৰ্ট পৰিধান কৰে ।
কেইদিনমান আগতে, প্ৰিয়ংকা আৰু নিকে নয়ডাত মন্নাৰা চোপ্ৰা আৰু পৰিয়ালৰ আন সদস্য আৰু বন্ধুবৰ্গৰ সৈতে হোলী উদযাপন কৰে । প্ৰিয়ংকা এই মাহৰ আৰম্ভণিতে তেওঁৰ জীয়েক মালতীৰ সৈতে ভাৰতলৈ আহে । আনহাতে নিক ১৮ মাৰ্চত মুম্বাইত উপস্থিত হয় । এই বছৰত নিকৰ এইটো দ্বিতীয়টো ভাৰত ভ্ৰমণ । তেওঁ আৰু তেওঁৰ ভাতৃ কেভিন আৰু জো জোনাছে জানুৱাৰীত লোলাপালুজা ইণ্ডিয়া সংগীত অনুষ্ঠানত প্ৰদৰ্শন কৰিছিল ।
প্ৰিয়ংকাক পৰৱৰ্তী সময়ত জন চিনা আৰু ইড্ৰিছ এলবাৰ সৈতে "হেডিছ অফ ষ্টেট"ত দেখিবলৈ পোৱা যাব । ডিজনীনেচাৰৰ আগন্তুক ছবি টাইগাৰত অনুৰাগীয়ে শুনিবলৈ পাব প্ৰিয়ংকা চোপ্ৰাৰ কণ্ঠ । ছবিখন ডিজনী + হটষ্টাৰত মুক্তি দিয়া হ'ব ।
লগতে পঢ়ক :আমেৰিকাতো যে শ্বাহৰুখ খান ব্যপক জনপ্ৰিয় সেয়া জানি আচৰিত হৈছিল কোন ! - US Ambassador Meets Shah Rukh Khan
