চিটাৰা ডেস্ক, 25 মে’ : বলীউডৰ জনপ্ৰিয় তথা হিট ছবি নিৰ্মাতা কৰণ জোহৰে আজি ২৫ মে’ত ৫২ বছৰীয়া জন্মবাৰ্ষিকী উদযাপন কৰিছে ৷ কৰণ জোহৰক বলীউডৰ বিখ্যাত ছবি নিৰ্মাতাৰ শাৰীত ৰখা হয় ৷ বলীউডত বহু ষ্টাৰকিডক প্ৰথমে ছবিত অভিনয়ৰ সুযোগ দিয়াৰ বাবে তেওঁ নেপটিজিম কৰে বুলিও বদনাম আছে ৷ বলীউডত এতিয়া কৰণ জোহৰে পৰিচালনাতকৈ চিনেমা প্ৰযোজকৰ কামহে বেছিকৈ কৰে । জানো আহক তেওঁৰ আগন্তুক প্ৰজেক্টৰ বিষয়ে-
এতিয়ালৈকে বলীউডত কৰণ জোহৰৰ যাত্ৰা
কৰণ জোহৰে সহকাৰী পৰিচালক হিচাপে জীৱনৰ প্ৰথম কাম আৰম্ভ কৰিছিল আৰু তেওঁৰ প্ৰথম পৰিচালনা কৰা ছবি ‘কুছ কুছ হোতা হে’ এ দৰ্শকৰ মনত চাপ বহুৱাবলৈ সক্ষম হৈছিল ৷ কৰণ জোহৰে এই ছবিখনৰ বাবে বেষ্ট পুপলাৰ ফিল্ম প্ৰভাইডিং হলচম এণ্টাৰটেইনমেণ্টৰ ৰাষ্ট্ৰীয় বঁটা লাভ কৰিছিল । কুছ কুছ হোতা হে ৰ আগতে কৰণে শ্বাহৰুখ খান আৰু কাজল অভিনীত ছবি দিলৱালে দুলহিয়া লে জায়েংগেত সহকাৰী পৰিচালক হিচাপে কাম কৰিছিল ।
কৰণ জোহৰৰ শীৰ্ষ চলচ্চিত্ৰসমূহ
- কুছ কুছ হোতা হে (১৯৯৮)
- কভি খুশী কভি গম (২০০১)
- কাল হো না হো (২০০৩) (এজন প্ৰযোজক হিচাপে)
- মাই নেম ইজ খান (২০১০)
- অগ্নিপথ (২০১২) (প্ৰযোজক)
- ৰকি ঔৰ ৰাণী কি প্ৰেম কহানী (২০২৩)
- এই ছবিবোৰত অভিনয় কৰিছিল
- দিলৱালে দুলহনিয়া লে জায়েংগে (১৯৯৩)
- ওম শান্তি ওম (২০০৭)
- লাক বাই চান্স (২০০৯)
- বম্বে ভেলভেট (২০১৫)