এক ৰাষ্ট্ৰ, এক নিৰ্বাচন বিধেয়কত অনুমোদন কেন্দ্ৰীয় কেবিনেটৰ

ৰাজনৈতিক বিতৰ্কৰ মাজতে সংসদৰ শীতকালীন অধিৱেশনত কেন্দ্ৰীয় কেবিনেটে ‘‘এক ৰাষ্ট্ৰ, এক নিৰ্বাচন’’ বিধেয়কত অনুমোদন জনায় ।

নতুন দিল্লী :বৃহস্পতিবাৰে কেন্দ্ৰীয় কেবিনেটে বহু বিতৰ্কিত ‘‘এক ৰাষ্ট্ৰ, এক নিৰ্বাচন’’ বিধেয়কত অনুমোদন জনায় ৷ সংসদত চলি থকা শীতকালীন অধিৱেশনৰ সময়তে অতি সোনকালে চৰকাৰে এই আইনখন প্ৰৱৰ্তন কৰাৰ সম্ভাৱনা আছে । বিজেপি আৰু কংগ্ৰেছে ১৩ আৰু ১৪ ডিচেম্বৰত সদনত উপস্থিত থাকিবলৈ তেওঁলোকৰ লোকসভাৰ সকলো সাংসদক থ্ৰীলাইন হুইপ জাৰি কৰিছে বুলি এক বিশেষ সূত্ৰৰ পৰা জানিব পৰা গৈছে ।

সংসদে এই বিধেয়কখন যুটীয়া সংসদীয় সমিতিলৈ (Joint Parliamentary Committee চমুকৈ JPC) বিতং আলোচনাৰ বাবে প্ৰেৰণ কৰাৰ পৰিকল্পনা কৰিছে । এই পদ্ধতিৰ উদ্দেশ্য হৈছে একেলগে নিৰ্বাচন অনুষ্ঠিত কৰাৰ পদ্ধতিসমূহ চূড়ান্ত কৰাৰ পূৰ্বে পুংখানুপুংখ তদন্ত আৰু আলোচনা নিশ্চিত কৰা ।

উল্লেখ্য যে, প্ৰাক্তন ৰাষ্ট্ৰপতি ৰামনাথ কোবিন্দৰ অধ্যক্ষতাত এখন উচ্চ পৰ্যায়ৰ সমিতিৰ পৰামৰ্শৰ পিছতে এই সিদ্ধান্ত লোৱা হৈছে । পেনেলে লোকসভা, ৰাজ্যিক বিধানসভা আৰু স্থানীয় সংস্থাসমূহৰ বাবে একেলগে নিৰ্বাচন পৰ্যায়ক্ৰমে অনুষ্ঠিত কৰাৰ প্ৰস্তাৱ আগবঢ়ায় । চৰকাৰে এই পৰামৰ্শসমূহ ছেপ্টেম্বৰ মাহত মানি লৈছিল, যাৰ ফলত এই পৰিকল্পনাক আগুৱাই নিয়াৰ উদ্দেশ্যে সংকেত দিছিল ।

কেন্দ্ৰীয় কৃষি মন্ত্ৰী শিৱৰাজ সিং চৌহানে সঘনাই হোৱা নিৰ্বাচনক দেশৰ উন্নয়নত বাধা বুলি উল্লেখ কৰি এই পদক্ষেপৰ তীব্ৰ পোষকতা কৰে । কুৰুক্ষেত্রত আন্তঃৰাষ্ট্ৰীয় গীতা মহোৎসৱৰ (International Gita Festival in Kurukshtera) সময়ত এক অনুষ্ঠানত চৌহানে কয়, "সঘনাই অনুষ্ঠিত হোৱা নিৰ্বাচনে দেশৰ অগ্ৰগতিত বাধাৰ সৃষ্টি কৰে । প্ৰধানমন্ত্ৰী মোদীৰ নেতৃত্বত দেশখন দ্ৰুতগতিত আগবাঢ়িছে আৰু এই পদক্ষেপে দ্ৰুত সিদ্ধান্ত গ্ৰহণ আৰু শাসন ব্যৱস্থা নিশ্চিত কৰিব ।"

JD(U) আৰু চিৰাগ পাছোৱানৰ লোক জনশক্তি পাৰ্টীৰ দৰে NDA ৰ প্ৰধান মিত্ৰশক্তিৰ সমৰ্থন থকাৰ পাছতো এই পদক্ষেপক কংগ্ৰেছ আৰু AAPকে ধৰি INDIA bloc ৰ ভিতৰৰ পৰা সমালোচনাৰ সন্মুখীন হ’বলগীয়া হৈছে ।

লগতে পঢ়ক :'এক দেশ, এক নিৰ্বাচন' সন্দৰ্ভত কি কয় ভূপেন বৰাই ? - One Nation and One Election লগতে পঢ়ক :সংসদত এক ৰাষ্ট্ৰ, এক নিৰ্বাচনৰ বিৰুদ্ধে সমৰ্থন সংগ্ৰহ কৰিব কংগ্ৰেছে - One nation one election