Asia Cup 2023 واٹر بوائے ویراٹ کوہلی کا ڈانس، شائقین خوش

کولمبو (سری لنکا): اسٹار بلے باز اور سابق کپتان ویراٹ کوہلی کو ایشیا کپ 2023 کے آخری سپر 4 میچ میں آرام دیا گیا تھا۔ یہ میچ بنگلہ دیش کے خلاف تھا جس کی کوئی خاص اہمیت نہیں تھی، کیونکہ روہت شرما کی قیادت میں بھارت پہلے ہی فائنل میں پہنچ چکا ہے، جہاں اس کا مقابلہ سری لنکا سے ہوگا۔ میچ میں ویراٹ کوہلی واٹر بوائے بن گئے اور پہلی اننگز میں اپنے ساتھیوں کے لیے ڈانس کرتے ہوئے میدان میں پانی لے کر آئے۔ ان کے ڈانس اسٹیپس نے سوشل میڈیا پر ان کے مداحوں کو محظوظ کر دیا۔ دراصل بھارت نے پانچ تبدیلیوں کے ساتھ بنگلہ دیش کے خلاف میدان میں اترا تھا۔ اس میچ کے ذریعے تلک ورما نے ایک روزہ میچ میں ڈیبیو کیا ہے، ان کے علاوہ سوریہ کمار یادو، محمد شامی، شاردل ٹھاکر اور پرسدھ کرشنا ٹیم میں آئے ہیں۔ 17 ستمبر کو سری لنکا کے خلاف کھیلے جانے والے فائنل میچ میں فٹ رہنے کے لئے وراٹ کوہلی، جسپریت بمراہ، محمد سراج، کلدیپ یادو اور ہاردک پانڈیا کو آرام دیا گیا ہے۔