భారత్​- దక్షిణాఫ్రికా రెండో టీ20 టికెట్ల కోసం ఎగబడ్డ అభిమానులు..పోలీసుల లాఠీచార్జ్​

భారత్​-దక్షిణాఫ్రికా జట్ల మధ్య ఆదివారం జరిగే రెండో టీ20 మ్యాచ్​ టికెట్లు కోసం అభిమానులు పెద్ద ఎత్తున తరలివచ్చారు. దీంతో ఒడిశాలోని కటక్ బారాబతి స్టేడియం కిక్కిరిసిపోయింది. గురువారం రాత్రి నుంచే క్యూలో నిలబడి టికెట్లు దక్కించుకునేందుకు ఎగబడ్డారు. పరిస్థితులు అదుపు తప్పడం వల్ల పోలీసులు లాఠీచార్జ్​ చేశారు. జూన్​ 7న ఒడిశా క్రికెట్​ అసోసియేషన్​ గుర్తింపు పొందిన సంస్థలకు టికెట్లు జారీ చేయగా.. జూన్​ 9, 10 తేదీల్లో సాధారణ ప్రజలకు అందుబాటులో ఉంచారు.