అభిమానాన్ని సాగు చేసిన మెగాఫ్యాన్​.. రాంచరణ్​ ఫిదా..

సినీ తారలను అభిమానించే వాళ్లు చాలా మంది ఉంటారు. అభిమాన తారలపై ఉన్న ప్రేమను ఒక్కొక్కరు ఒక్కోలా చాటుకుంటారు. తాజాగా మెగాపవర్​స్టార్ రాం​చరణ్ కోసం జోగులాంబ గద్వాల్ జిల్లా గట్టు మండలం గోర్లఖాన్ దొడ్డి ప్రాంతానికి చెందిన జైరాజ్ అనే యువకుడు వినూత్న పద్ధతిలో తన అభిమానాన్ని చూపించాడు. అర ఎకరం పొలం కౌలుకు తీసుకొని రామ్​చరణ్ ముఖచిత్రం ఆకారంలో వరిసాగు చేశాడు. అందులో పండిన ధాన్యంలో రెండు బస్తాల బియ్యాన్ని చరణ్​కు కానుకగా ఇచ్చాడు. ఇందుకోసం.. 264 కిలోమీటర్లు పాదయాత్ర చేసి చరణ్​ను కలుసుకున్నాడు. జైరాజ్ చేసిన కృషిని తెలుసుకున్న చరణ్​.. అభినందించటమే కాకుండా స్వయంగా తన ఇంటికి ఆహ్వానించాడు. జైరాజ్​తో 45 నిమిషాలు మాట్లాడాడు. తల్లిదండ్రులు లేని జైరాజ్ ప్రతిభ ప్రశంసించిన చరణ్.. చిత్ర పరిశ్రమలో మంచి పని కల్పిస్తానని హామీ ఇచ్చాడు.