కారుతో ఢీకొట్టి మహిళ హత్య.. వివాహేతర సంబంధం గురించి తెలిసిందని..

గుజరాత్​లోని జునాగఢ్​ జిల్లా సుఖ్​నాథ్​ చౌక్​లో దారుణం జరిగింది. వివాహేతర సంబంధం గురించి తెలిసిందన్న కారణంతో మహిళను కారుతో ఢీకొట్టి చంపేశాడు ఓ వ్యక్తి. గత శనివారం ఈ ఘటన జరిగింది. అనంతరం డ్రైవర్ పారిపోయాడు. తొలుత ఇది ప్రమాదమని భావించగా.. మృతురాలి సోదరుడు దీనిపై పోలీసులను ఆశ్రయించాడు. ఇది హత్యే అని ఫిర్యాదు చేశాడు. దీంతో పోలీసులు దర్యాప్తు ప్రారంభించారు. సీసీటీవీ ఫుటేజ్​ను పరిశీలించారు. చివరకు ఇది హత్యే అని తేల్చారు. నిందితుడి కోసం గాలింపు చర్యలు చేపట్టారు. అదే ప్రాంతంలోని ఓ గెస్ట్​ హౌస్​లో దాగిఉన్న నిందితుడ్ని పట్టుకున్నారు పోలీసులు. నిందితుడు ఆదిల్ ఖాన్​కు ఓ మహిళతో వివాహేతర సంబంధం ఉందని ఆ విషయం హసీనాకు తెలియడం వల్ల ఆమె ఎక్కడ ఈ విషయాన్ని బయటపెడుతుందో అన్న భయంతో ఈ దారుణానికి పాల్పడినట్లు ఆదిల్​ ఒప్పుకున్నాడని పోలీసులు తెలిపారు.