ఓటు విలువను తెలియజేస్తూ సుద్దాల అశోక్​ తేజ గానం

గ్రేటర్​లో రాజకీయ పార్టీల ప్రచార సందడికి తెరపడింది. కేంద్ర స్థాయిలో రాజకీయ నాయకులని సైతం తన వైపుకి తిప్పుకున్న జీహెచ్​ఎంసీ ఎన్నికల ఓటింగ్​ మరికొన్ని గంటల్లో మొదలుకానుంది. ఈ నేపథ్యంలో గ్రేటర్​ హైదరాబాద్​ వాసులను పాలించే నాయకుడిని ఎన్నుకునే విషయంలో నిర్లక్ష్యం పనికి రాదంటూ ఓటర్లకు సూచనలిస్తున్నారు ప్రముఖ రచయిత సుద్దాల అశోక్​ తేజ. ఓటర్లను చైతన్యవంతులని చేసేందుకు ఓటు విలువను తెలియజేస్తూ తనదైన శైలిలో ఓ పాటను రాసి ఆలపించారు. ప్రతి ఒక్కరూ ఓటు హక్కును వినియోగించుకోవాలని తన పాట ద్వారా కోరారు.