మద్యం మత్తులో ఒకరిని బలి తీసుకున్న జీహెచ్ఎంసీ ఆటో డ్రైవర్

Viral Video Man Died after GHMC Auto vechicle Hit : ఒకరి నిర్లక్ష్యం ఓ నిండు ప్రాణాన్ని బలి తీసుకుంది. ప్రభుత్వ సంస్థ పరిధిలో పనిచేస్తున్న అనే ఆలోచన లేకుండా మద్యం మత్తులో ఓ జీహెచ్​ఎంసీ ఆటో డ్రైవర్​ ఘోర రోడ్డు ప్రమాదానికి కారకుడయ్యాడు. జీహెచ్​ఎంసీ మున్సిపల్ కార్పొరేషన్ తరపున ఇంటింటి‌ చెత్త సేకరించే ఆటో డ్రైవర్​ మద్యం మత్తులో వాహనం నడిపి రెండు బైక్​లను, మరో రెండు కార్లను ఢీకొట్టాడు. ఈ ఘటన మేడ్చల్​ జిల్లా మేడిపల్లి పీఎస్​ పరిధిలో చెంగిచెర్లలో చోటు చేసుకుంది. ఈ ప్రమాదంలో ఒకరు మృతి చెందగా మరో ముగ్గురికి తీవ్ర గాయాలయ్యాయి. ఈ దృశ్యాలన్ని సీసీ కెమెరాలో రికార్డ్ అయ్యాయి.

GHMC Auto Accident at Medipally : వెంటనే ఘటనా స్థలానికి పోలీసులు చేరుకొని చికిత్స నిమిత్తం కోసం క్షతగాత్రులను గాంధీ ప్రభుత్వ ఆసుపత్రికి తరలించారు. ఈ ప్రమాదానికి కారణమైన జీహెచ్​ఎంసీ చెత్త ఆటో డ్రైవర్​ను పోలీసులు అదుపులోకి తీసుకున్నారు. మద్యం మత్తులో అతి వేగమే ప్రమాదానికి కారణమని పోలీసులు పేర్కొన్నారు. గాయపడిన వారి పరిస్థితి విషంగా ఉందని పోలీసులు చెప్పారు. ‌ఆటో‌డ్రైవర్​ను వైద్య పరీక్షల కోసం ఆసుపత్రికి పంపించామని మేడిపల్లి సీఐ సైదులు తెలిపారు. అనంతరం ఘటనపై పోలీసులు కేసు నమోదు చేసి దర్యాప్తు చేపట్టారు.