'సనత్​నగర్ నియోజకవర్గాన్ని అభివృద్ధి చేసింది బీఆర్ఎస్ ప్రభుత్వమే'

Talasani Srinivas Yadav Election Campaign : గతంలో ఉన్న నాయకులు సనత్​నగర్​లో అభివృద్ధి ఏమీ చేయలేదని మంత్రి తలసాని శ్రీనివాస్ యాదవ్ ఆరోపించారు. ఎన్నికల ప్రచారంలో భాగంగా ఆయన బన్సీలాల్​పేట్ డివిజన్ పరిధిలోని ఎన్​బీటి నగర్, బండమైసమ్మ నగర్ ప్రాంతాల్లో ప్రచారం చేశారు. సికింద్రాబాద్​లో సనత్​నగర్ నియోజకవర్గాన్ని ఆదర్శవంతంగాా అభివృద్ధి చేశానని తెలిపారు. నిత్యం ప్రజల్లో ఉండటమంటే తనకు ఎంతో ఇష్టమని చెప్పారు. ప్రజా సంక్షేమం, అభివృద్ధి కోసం తాను నిత్యం పాటుపడుతున్నట్లు వివరించారు. గతంతో పోలిస్తే సనత్​నగర్ చాలా అభివృద్ధి చెందిందన్నారు.   

Talasani on Sanathnagar Development : సనత్​నగర్ నియోజకవర్గంలో అభివృద్ధి జరిగిందని ప్రజలు హర్షం వ్యక్తం చేస్తున్నారని తలసాని శ్రీనివాస్ యాదవ్ పేర్కొన్నారు. తన హయాంలో సనత్​నగర్ నియోజకవర్గాన్ని మరింత అభివృద్ధి చేస్తానని హామీ ఇచ్చారు. తెలంగాణలో బీఆర్ఎస్ ప్రభుత్వమే అభివృద్ధి కోసం కృషి చేస్తుందని అన్నారు. మిగతా పార్టీలు అధికారం కోసమే పోటీ చేస్తున్నాయని విమర్శించారు. మూడోసారి కూడా కేసీఆర్ ముఖ్యమంత్రి అవుతారని ధీమా వ్యక్తం చేశారు.