సంగారెడ్డిలో కారును తప్పించబోయి ప్రమాదానికి గురైన ఆర్టీసీ బస్సు- పదిమందికి గాయాలు

RTC Bus Accident In Sangareddy : సంగారెడ్డి జిల్లా జహీరాబాద్ డిపో బస్సు ప్రమాదానికి గురైంది. పోలీసులు తెలిపిన వివరాల ప్రకారం.. జహీరాబాద్ నుంచి బీదర్ వెళ్తున్న ఎక్స్​ప్రెస్ బస్సు అదుపుతప్పి ముళ్ల పొదలోకి దూసుకెళ్లింది. జహీరాబాద్-బీదర్ రోడ్డులో ఎదురుగా వస్తున్న కారును తప్పించబోయి ప్రమాదానికి గురైందని పోలీసులు వెల్లడించారు. బస్సు డ్రైవర్​ నిర్లక్షంతోనే ఈ ప్రమాదం జరిగిందని పోలీసులు తెలిపారు.

Road Accident In Sangareddy District : అటుగా రాకపోకలు సాగించే ప్రయాణికులు ప్రమాదాన్ని చూసి ఒక్కసారిగా షాక్​కు గురయ్యారు. పెద్దగా ప్రమాదం జరగకపోవడంతో వారంతా ఊపిరి పిల్చుకున్నారు. పోలీసులకు సమాచారం ఇవ్వడంతో ఘటనా స్థలానికి చేరుకొని సహాయక చర్యలు చేపట్టారు. ప్రమాదంలో బస్సులోని 10 మంది ప్రయాణికులు గాయపడ్డారు. పోలీసులు క్షతగాత్రులను 108 అంబులెన్స్​ వాహనంలో జహీరాబాద్ ఏరియా ఆసుపత్రికి తరలించారు. ప్రమాదం జరిగిన కారణాలను పోలీసులు విశ్లేషిస్తున్నారు. డ్రైవర్ స్పీడ్​పై నియంత్రణ కోల్పోవడం వల్లే ప్రమాదం జరిగిందని రోడ్డుపై వెళ్తున్న వాహనదారులు చెబుతున్నారు.