Revanth Reddy Fires on CM KCR : కేసీఆర్​కు ధైర్యముంటే కొడంగల్​లో పోటీ చేయాలి : రేవంత్​ రెడ్డి

Revanth Reddy Fires on CM KCR : సీఎం కేసీఆర్​కు ధైర్యముంటే కొడంగల్​లో పోటీ చేయాలని టీపీసీసీ అధ్యక్షుడు రేవంత్​ రెడ్డి సవాల్​ విసిరారు. కొడంగల్​లో జరిగిన దసరా వేడుకల్లో పాల్గొన్న రేవంత్​ రెడ్డి బీఆర్​ఎస్​, కేసీఆర్​లపై తీవ్రస్థాయిలో మండిపడ్డారు. గతంలో కేసీఆర్​ కొడంగల్​ను దత్తత తీసుకుంటానని చెప్పారు.. కానీ ఇంత వరకు ఆ పని ఎందుకు చేయలేదోనని ప్రశ్నించారు. కొడంగల్​ను బీఆర్​ఎస్​ ఏమాత్రం అభివృద్ధి చేయలేదని రేవంత్​ రెడ్డి ఆరోపించారు. 

రేవంత్​ రెడ్డి తన సొంతూరు కొండారెడ్డి పల్లెలో దసరా పండగ ఉత్సవాలను జరుపుకున్నారు. ఈ సందర్భంగా" శిఖరం మరువదు.. తన పునాదులు భూమి మీదే ఉన్నాయని. మహా వృక్షం మరువదు.. తన వేళ్లు మట్టి పొరల్లోనే ఉన్నాయని. నాకు జన్మనిచ్చిన గడ్డ.. నేను పుట్టి పెరిగిన మట్టి.. నన్ను పెంచి ప్రేమను పంచిన ఊరు అంటూ" రేవంత్​ రెడ్డి ట్విటర్​ వేదికగా తన ఆనందాన్ని పంచుకున్నారు. ఈసారి తెలంగాణలో ఎలాగైనా కాంగ్రెస్​ జెండాను ఎగురవేయడానికి హస్తం పార్టీ అన్ని వ్యూహాలను సిద్ధం చేసింది.