Protest at KTR Banswada Meeting : బాన్సువాడలో మంత్రి కేటీఆర్​కు నిరసన సెగ

Kaaiti Lambadis Protest at KTR Banswada Meeting : బాన్సువాడలో మంత్రి కేటీఆర్​కు(KTR) నిరసన సెగ తగిలింది. తమను ఎస్టీ జాబితాలోకి చేర్చాలంటూ కాయితీ లంబాడీలు ఆందోళన చేపట్టారు. కామారెడ్డి జిల్లా బాన్సువాడలో పర్యటించిన కేటీఆర్.. మంత్రి పోచారం శ్రీనివాస్​రెడ్డితో కలిసి పలు అభివృద్ధి కార్య​క్రమాలు ప్రారంభించారు. బాన్సువాడ సభలో మంత్రి కేటీఆర్​ ప్రసంగిస్తుండగా.. తమ హక్కులను గుర్తించాలని లంబాడీలు ప్లకార్డులు ప్రదర్శించారు.

Lambadis Dharna at Banswada Meeting : రిజర్వేషన్లపరంగా నష్టపోతున్నామని.. తమను తక్షణమే ఎస్టీ జాబితాలో చేర్చాలంటూ నినాదాలు చేశారు. తమకు గిరిజనుల హక్కులు వర్తించేలా న్యాయం చేయాలని డిమాండ్​ చేశారు. వెంటనే పోలీసులు వారిని అడ్డుకునే ప్రయత్నం చేశారు. వారి వద్దనున్న ప్లకార్డులను లాక్కుని సభ నుంచి బయటకు పంపించారు. గత కొన్నిరోజులుగా ధర్నాలు చేస్తున్న వీరు.. ఇటీవల కామారెడ్డి కలెక్టరేట్​ ముట్టడికి "ఛలో కామారెడ్డి" పేరుతో ధర్నాకు పిలుపునిచ్చారు. రాబోయే అసెంబ్లీ ఎన్నికల్లో కామారెడ్డి నియోజకవర్గం తరఫున.. పెద్ద మొత్తంలో నామినేషన్లు దాఖలు చేస్తామని హెచ్చరించారు. తాజాగా కేటీఆర్​ సభలో నిరసన చేపట్టడం చర్చనీయాంశంగా మారింది.