ఖమ్మంలో పొంగులేటి పర్యటన - లబ్ధిదారులకు కళ్యాణలక్ష్మీ చెక్కులు అందజేత

Ponguleti Srinivasa Reddy Visited Khammam District : ఖమ్మం జిల్లా పాలేరు నియోజకవర్గంలో రెవిన్యూ శాఖ మంత్రి పొంగులేటి శ్రీనివాసరెడ్డి విస్తృతంగా పర్యటించారు.  మంత్రితో తమ సమస్యలను తెలపడానికి కాలనీవాసులు పోటీ పడ్డారు. ఎమ్మెల్యే క్యాంపు కార్యాలయంలో ఓ జంటను మంత్రి ఆశీర్వదించారు. నియోజకవర్గంలో ఇటీవల మరణించిన పలువురి కుటుంబాలను పరామర్శించారు. కూసుమంచిలోని ఎమ్మెల్యే క్యాంపు కార్యాలయంలో 12 మంది లబ్ధిదారులకు కళ్యాణలక్ష్మీ చెక్కులను అందించారు. లబ్ధిదారులతో పొంగులేటి కాసేపు ముచ్చటించారు.

Ponguleti Presents Kalyanalakshmi Checks : ఈ కార్యక్రమంలో శ్రీనివాస రెడ్డి మాట్లాడుతూ ఇందిరమ్మ రాజ్యంలో ప్రతి ఒక్కరికీ న్యాయం జరుగుతుందన్నారు. కాంగ్రెస్​ ఇచ్చిన ఆరు గ్యారెంటీలు అమలు చేస్తామని పొంగులేటి తెలిపారు. ఈ సందర్భంగా రైతులు తమ పంటలకు సాగునీరు కావాలని మంత్రి దృష్టికి తీసుకెళ్లడంతో, వారితో మాట్లాడిన ఆయన ఎప్పుడు నీరు కావాలో చెపితే అధికారులతో మాట్లాడి నీరు ఇప్పించే ప్రయత్నం చేస్తానని రైతులకు పొంగులేటి శ్రీనివాసరెడ్డి హామీ ఇచ్చారు.