Night Food court in Karimnagar : కరీంనగర్​లో నైట్ ఫుట్​కోర్టు.. ఇక సందడే సందడి

 Night Food court in Karimnagar : కరీంనగర్‌లో శాంతి భద్రతలు సక్రమంగా ఉన్నందునే అభివృద్ధిలో గణనీయంగా సాగుతుందని గంగుల కమలాకర్ అన్నారు. స్థానిక మల్కాపూర్ రోడ్డులోని శాతవాహన విశ్వవిద్యాలయం వద్ద మేయర్ యాదగిరి సునీల్‌రావుతో కలిసి నైట్‌ ఫుడ్‌ బజార్‌ను మంత్రి లాంఛనంగా ప్రారంభించారు. అందుబాటులో ఉన్న ఆహార పదార్థాలను కొనుగోలు చేసి టేస్ట్ చేశారు. ఒకేసారి వంద మంది కూర్చొని ఆహార పదార్థాలు సేవించేలా దీన్ని ఏర్పాటు చేశారన్నారు. కుటుంబ సమేతంగా భోజనం చేయడానికి ఎంతో సౌకర్యవంతంగా ఉంటుందని మంత్రి తెలిపారు.

వివిధ రకాల రుచికరమైన ఆహార పదార్థాలు స్టాల్స్​లో అందుబాటులో ఉన్నాయన్నారు. ఫుడ్ బజార్​లో చక్కటి లైటింగ్ తో పాటు పిల్లలు ఆడుకునేందుకు వీలుగా ఆట పరికరాలను కూడ ఏర్పాటు చేయడం జరుగిందని తెలిపారు. బీఆర్ఎస్ ప్రభుత్వంలో నగరం అన్ని విధాలుగా అభివృద్ధి జరుగుతుందని కొనియాడారు. ప్రజల   ప్రజల భద్రత కోసం ప్రత్యేకంగా సీసీ కెమెరాలను ఏర్పాటు చేసినట్లు మంత్రి గంగుల కమలాకర్ తెలిపారు.