కొండపోచమ్మ ప్రాజెక్టు నిలిపివేయాలంటూ నర్సాపూర్​ రైతుల 'ప్రజా భవన్​కు పాదయాత్ర'

Narsapur Farmers Hike to Praja Bhavan : కాళేశ్వరం, కొండ పోచమ్మ ప్రాజెక్టు పనులు వెంటనే ఆపి వేయాలని డిమాండ్ చేస్తూ నర్సాపూర్ నియోజకవర్గ రైతులు పాదయాత్ర చేపట్టారు. కాళేశ్వరం బాధితుల భూ సాధన కమిటీ ఆధ్వర్యంలో ఇవాళ నర్సాపూర్ జల హనుమాన్ నుంచి ప్రజా భవన్​కు పాదయాత్ర చేపట్టిన రైతులు భూ సేకరణ నిలిపివేసి ప్రాజెక్టును పూర్తిగా రద్దు చేయాలంటూ నినాదాలు చేశారు. ఈ సందర్భంగా రైతులు మాట్లాడారు. ఈ ప్రాజెక్టు వల్ల బాధిత కుటుంబాలు నష్టపోతాయని ఆవేదన వ్యక్తం చేశారు.

Farmers Hike to stop kondaPochamma Project : ముఖ్యమంత్రి రేవంత్​రెడ్డిని కలిసి తమ సమస్యను వివరించి భూముల్ని కాపాడుకుంటామని రైతులు ధీమా వ్యక్తం చేశారు. కొండపోచమ్మ నుంచి సంగారెడ్డికి నిర్మించే కెనాల్​ను నిర్మించవద్దని డిమాండ్​ చేశారు. అత్యవసరమైతే నీటిని పైప్​లైన్​ ద్వారా తరలించాలని, ఓపెన్​ కెనాల్​ వద్దంటూ విన్నవించారు. కాలువ లేకున్నా పర్లేదని, దీని వల్ల భూములు కోల్పోతామని ఆవేదన వ్యక్తం చేశారు.