ఉప్పల్​లో అమిత్ షా రోడ్​ షో- బీజేపీ నాయకులు, కార్యకర్తల్లో జోష్

Minister Amit Shah Road Show in Hyderabad : ఎన్నికల ప్రచారంలో పాల్గొనేందురు రాష్ట్రానికి వచ్చిన బీజేపీ అగ్రనేత అమిత్ షా(Amit Shah) హైదరాబాద్​ ఉప్పల్​లో రోడ్ షో నిర్వహించారు. ముందుగా జనగామ, మెట్‌పల్లిలో సకల జనుల విజయ సంకల్ప సభల్లో పాల్గొన్న అమిత్‌ షా.. అనంతరం ఉప్పల్‌ నియోజకవర్గంలో రోడ్​ షో నిర్వహించారు. ఈ కార్యక్రమంలో బీజేపీ(BJP) అభ్యర్థి ఎన్​వీఎస్​ఎస్​ ప్రభాకర్‌కు మద్దతుగా అమిత్​ షా ప్రచారం చేశారు. 

Amit Shah Road Show in Uppal : రోడ్ షో(Road Show)లో అమిత్​ షా ప్రజలకు అభివాదం చేస్తూ ముందుకు సాగారు. ఇందులో బీజేపీ శ్రేణులు, ప్రజలు అమిత్​ షాను చూసేందుకు అధిక సంఖ్యలో తరలివచ్చారు. బీజేపీ కార్యకర్తలు ఈ కార్యక్రమంలో నృత్యాలు చేస్తూ.. సందడిగా కొనసాగించారు. ఆయా ప్రాంతంలో కాసేపు ట్రాఫిక్​కు అంతరాయం కలిగింది. ఈ రోడ్​ షోలో బీజేపీ రాష్ట్ర అధ్యక్షుడు కిషన్​రెడ్డి పాల్గొన్నారు. బీజేపీని గెలిపిస్తేనే.. తెలంగాణ అభివృద్ధి జరుగుతుందని.. డబుల్ సర్కార్ వల్ల లాభాలను అమిత్ షా ఓటర్లకు వివరించారు.