Lovers Kissing Viral Video : ఇదేందయ్యా ఇదీ.. వేగంగా వెళ్తున్న కారు టాప్‌పై రెచ్చిపోయిన ప్రేమ జంట.. వీడియో వైరల్​

Lovers Kissing Viral Video : ఈ మధ్య కాలంలో ప్రేమ జంటలు చేస్తున్న హడావిడి అంతా ఇంతా కాదు. రోడ్లపై తిరుగుతున్నామనే విషయాన్ని కూడా మరచిపోయి.. అసభ్యకరమైన రీతిలో చేష్టలు చేస్తున్నారు. గతంలో బైక్​పై వెళుతూ ముద్దులతో రెచ్చిపోయిన పలు ప్రేమ జంటలను చూశాం. కానీ ఈ లవర్స్​ మాత్రం అందుకు భిన్నంగా వారి కన్నా తాము తక్కువా అన్నట్లు ఏకంగా కారుపైనే కూర్చోని ముద్దులతో రెచ్చిపోయారు. ఈ ముద్దుల వీడియో ఇప్పుడు సోషల్​ మీడియాలో తెగ చక్కర్లు కొడుతుంది. వీడియో చూసిన నెటిజన్లు తీవ్ర విమర్శలు చేస్తున్నారు.

హైదరాబాద్​లోని శంషాబాద్​ నుంచి మెహదీపట్నం వైపు వెళ్లే పీవీ ఎక్స్​ప్రెస్​ వంతెనపై శనివారం అర్ధరాత్రి ప్రేమ జంట వికృత చేష్టలకు పాల్పడింది. ఏకంగా వేగంగా వెళుతున్న కారు టాప్​పై కూర్చోని ముద్దుల్లో మునిగిపోయారు. ప్రేమికుల జంట చేస్తున్న వికృత చేష్టలను ఎవరో వీడియో తీసి సోషల్​ మీడియాలో పెట్టేశారు. ఇంకేముంది.. వీడియో చూసిన నెటిజన్లు వారి తీరుపై మండిపడుతున్నారు. ఈ ముద్దుల వీడియో.. చివరకు పోలీసులకు చేరడంతో వారు ప్రేమ జంటను తీవ్రంగా హెచ్చరించారు.