తెలంగాణలో కుటుంబపాలన అంతానికి సమయం ఆసన్నమైంది : జేపీ నడ్డా

JP Nadda Roadshow in Jagtial : రాష్ట్రంలో బీఆర్​ఎస్​, కాంగ్రెస్​ పార్టీలు రెండు ఒక్కటేనని, కుటుంబపార్టీలేనని.. బీజేపీ జాతీయాధ్యక్షుడు జేపీ నడ్డా ఆరోపించారు. బీజేపీ ఎన్నికల ప్రచారంలో భాగంగా జగిత్యాల బీజేపీ అభ్యర్థి బోగ శ్రావణికి మద్దతుగా.. జగిత్యాల పట్టణంలో నిర్వహించిన రోడ్​షోలో పాల్గొన్నారు. కమలం పువ్వు గుర్తుకే ఓటు వేసి గెలిపించాలని ప్రజలకు విజ్ఞప్తి చేశారు.

BJP Election Campaign : బీఆర్​ఎస్​, కాంగ్రెస్​ రెండు అవినీతి పార్టీలేనని జేపీ నడ్డా విమర్శించారు. తెలంగాణ ప్రజల ఆకాంక్షలను నెరవేర్చడంలో బీఆర్​ఎస్​ విఫలమయ్యిందని దుయ్యబట్టారు. రాష్ట్రంలో కుటుంబపాలన నడుస్తోందని.. కల్వకుంట్ల కుటుంబపాలనకు చరమగీతం పాడాల్సిన సమయం ఆసన్నమైందన్నారు. సీఎం కేసీఆర్​.. తెలంగాణ ప్రజలను మోసం చేశారని మండిపడ్డారు. ఉద్యమ సమయంలో ఇచ్చిన వాగ్ధానాలను తీర్చలేకపోయారన్నారు. పేదలకు డబుల్​బెడ్ రూం ఇండ్లను నిర్మించి ఇవ్వడంలో విఫలమయ్యారన్నారు. కాంగ్రెస్​ పార్టీ హయాంలో అనేక కుంభకోణాలు చోటు చేసుకున్నాయని మండిపడ్డారు. రాఫెల్, కామన్వెల్త్ గేమ్స్, 2జీ వంటి అనేక స్కాంలు జరిగాయన్నారు. రాష్ట్రంలో బీజేపీ పార్టీ అధికారంలోకి రావడం ఖాయమని ధీమా వ్యక్తం చేశారు.