Jagannadh Ratha Yatra in Hyderabad : హైదరాబాద్​లో అంగరంగ వైభవంగా జగన్నాథ రథయాత్ర

Jagannadh Ratha Yatra in Kukatpally in Hyderabad : ఆషాఢ మాసంలో అత్యంత వైభవంగా నిర్వహించే జగన్నాథ్ రథయాత్ర హైదరాబాద్​లో ఘనంగా నిర్వహించారు. ఇస్కాన్ టెంపుల్ ఆధ్వర్యంలో ఈ యాత్ర సాగింది. జగన్నాథుడ్ని అందంగా పూలతో అలంకరించారు. ఇరువైపులా బలరాముడు, సుభద్రాదేవి కొలువుదీరి హైదరాబాద్​ నగర వాసులకు దర్శనమిచ్చారు. ఈ యాత్రలో భక్తులు జయ జయ ధ్వానాలు.. యువతీ యువకుల కోలాటాలు భజనలతో ఆహ్లాదంగా సాగింది. 

ఇందిరాపార్క్ నుంచి ప్రారంభమై జలవిహార్ వరకు.., బంజారాహిల్స్ రోడ్ నెం.12 ప్రారంభమై నగర పురవీధుల్లో, హైదర్​నగర్ నుంచి ప్రారంభమై బాలానగర్‌ మెట్రోస్టేషన్‌ వరకు.. ఇలా తదితర ప్రాంతాల్లో యాత్రని నిర్వహించారు. రథయాత్రలో పాల్గొనేందుకు భక్తులు భారీగా తరలివచ్చారు. ఈ యాత్ర వల్ల నగరంలో పలు చోట్ల ట్రాఫిక్​కి అంతరాయం కలిగింది. దీనికోసం పోలీసులు ప్రత్యేక ఏర్పాట్లు చేశారు. వాహనాలను యాత్ర జరిగే మార్గం వైపు కాకుండా వేరే దారి నుంచి పంపించారు. దీంతో ప్రశాంతంగా జగన్నాథ్ రథయాత్ర ముగిసింది.