High Water Level In Hussain Sagar : నిండుకుండలా హుస్సేన్​సాగర్.. లోతట్టు ప్రాంతాల అప్రమత్తం

Hussain Sagar Water Level Increased : హైదరాబాద్​లో నాలుగు రోజులుగా కురుస్తున్న వర్షాలకు రోడ్లు, వీధులు జలమయమయ్యాయి. డ్రైనేజీలు ఎక్కడంటే అక్కడ పొంగుతున్నాయి. ప్రజలు రాకపోకలకు చాలా ఇబ్బంది పడుతున్నారు. ముఖ్యంగా హైదరాబాద్​లో చిన్నపాటి వర్షం కురిస్తే చాలు రోడ్లపై నీరు వచ్చి చేరుతుంది. రోడ్లన్నీ నీటితో నిండిపోవడంతో ట్రాఫిక్ సమస్య ఎక్కువగా ఉంటుంది. ఇదిలా ఉండగా.. హైదరాబాద్​కు ప్రత్యేక ఆకర్షణగా ఉన్న హుస్సేన్‌సాగర్‌​ నిండుకుండలా మారింది. దీంతో ప్రజలు సాగర్​ పరవళ్లను చూడడానికి భారీగా తరలివస్తున్నారు. యువత ఫొటోలు, రీల్స్​ చేసుకుంటూ వాతావరణాన్ని ఎంజాయ్ చేస్తున్నారు. ఫుడీస్​ అయితే మంచి వర్షంలో హాట్​హాట్​గా ఫుడ్​ తింటూ వర్షాన్ని ఆస్వాదిస్తున్నారు. మరోవైపు ఎడతెరిపి లేకుండా కురుస్తోన్న వర్షాలకు హుస్సేన్​సాగర్ గరిష్ఠ నీటిమట్టానికి చేరుకుంది. నీటిమట్టం గరిష్ఠస్థాయికి చేరడంతో పరిసర ప్రాంతాల ప్రజలు ఆందోళన చెందుతున్నారు. ఎలాంటి అవాంఛనీయ ఘటనలు జరగకుండా అధికారులు అప్రమత్తమయ్యారు. హుస్సేన్​సాగర్​ లోతట్టు ప్రాంతాలను జీహెచ్​ఎంసీ అధికారులు అప్రమత్తం చేశారు.